سلطه التونا بطريقة Darmies Kitchen

لاني احب التونا هالوصفه شدت انتباهي … وسويتها بالدوام وكانت لذيذه … طبعا الصوره اللي اهي حاطتها وايد احلى وتشوق اكثر شوفوها ببروفايها http://instagr.am/p/LLK2wxkxfY

الفروقات اللي سويتها اني حطيت بصل ابيض مفروم ومخلل بالصلصه وقللت من كميه الزيت وايد وزدت كميه الديجون مسترد

انصحكم دايما انكن تستخدمون تونا قودي لانها احلى تونا جربتها للحين

مكونات السلطه تقدرون تغيرونها مثل ما تحبون … الدريسنغ يكفي حق علبه كامله … انا اللي سويته اني خلطت التونا مع التتبيله وحطيتها بتبروير وباجي مكونات السلطه  بعلبه  بروحها  وبحزه الغدا كانت التونه لذيييذه ومتبله عدل لانها قعدت جم ساعه وبنفس الوقت الخضار حافظت على خضارها

المقادير والطريقه :

خضراوات ورقيه ( خس وجرجير ونعناع وبقدونس )

طماط

فلفل ملون

خلطه التونا :

مخلل خيار صغار حسب الرغبه مفروم حوالي ربع كوب

نص بصله ابيض مفروم ناعم

علبه تونا مصفيه من الزيت

 4 م ك عصير ليمون

ملح وفلفل اسود حسب الرغبه

رشه فلفل احمر ( اضافيه )

م ك ديجون مسترد

م ص زيت زيتون ( بالوصفه الاصليه 4 م ك )

نخلط مكونات التونا مع بعض … نصف  الخضار ونحط فوقها التونه وبالف عافيه

One thought on “سلطه التونا بطريقة Darmies Kitchen

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s