اطباق رئيسية · اطباق رئيسية- لحوم

كباب خشخاش

حلو تاكلونه مع خبز او عيش .. او تسوونه فته … تحولونه  كباب اسكندر  او بروحه مع صحن تبوله  …بالنسبه للكباب عندكم خيارين  اما تسوونه  حسب المقادير اللي بذكرها او تستخدمون اي كباب جاهز .. وهالوصفه حلوة تسوونها اذا عندكم  كباب بايت

وصفه الكباب  ( الغو الفلفل اذا ما تحبونه حار )

نص كيلو لحمه مدهنه مفرومه خشن او ناعم كيفكم

نص شده بقدونس

فصين ثوم

نص م ص من كل من ( بابريكا و فلفل اسود وبهار كبه او دقه الكبه )

م ص ملح

حبه فلفل علوب

وممكن تحطون صنوبر او فستق مطحون حسب الرغبه

نفرم كل المكونات بفرامه اللحم  او نقصص المكونات كلها ناعمه ونخلطها مع اللحم ونشكلها  ونشويها اما بالفرن او بالشوايه … وممكن تستخدمون الكميه اللي تحتاجونها والباجي ثتلجونه

والحين الصلصه والمقادير اللي بذكرها حق شخصين

طماطتين مقطعين مكعبات صغيره

نص  م ك معجون طماط

م ك دبس رمان

حبه فلفل علوب مفرومه ناعم

فصين ثوم مهروسين

ربع م ص فلفل حار احمر او حسب الرغبه

رشه فلفل اسود

ربع م ص سماق

ملح حسب الرغبه

وطبعا زيت زيتون حوالي 2 م ك

الطريقه :

نسخن زيت الزيتون ونضيف له الثوم والفلفل بنوعيه ونقلبهم شوي تالي نضيف الطماط  والملح و الفلفل والمعجون ونخلطه ونخليه على نار خفيفه مع التحريك لين يتكون عندي صلصه ثقيله .. نضيف دبس الرمان اخر شي

نضيف فوق الصلصه الكباب ( اما مشوي او مثلج ) ونتركه على نار خفيفه لين ينزل عصارته ويتمازج مع الصلصه .. نحطه بصحن التقديم ونرش السماق على الويه وبالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s