فته الدجاج بالفلفل الملون

صورة

مع الصيف اطباق الفته تكون خفيفه ومرغوبه … … الحمسه اللي استخدمها مع الدياي  لونها يشوق وممكن تنوكل مع خبر كشاورما
.. الخبز استخدمته محمص ممكن تخلونه مقلي…الصنوبر على اساس اني بخليه بالفرن يتحمص  بس حرقته المفروض ما يكون لونه جذي هههه … الوصفه ممكن تكون مساعده للرجيم بتخفيف كميه الزيت الزيت المستخدم واستخدام روب قليل او خالي الدسم وتخفيف كميه الخبز المقدم بكل صحن

وهذي وصفه ثانيه حق فته الدياي تلقونها هني … واكو وايد وصفات فته غيرها كتبو فته في مربع البحث وان شاء الله بتحصلون وصفات متنوعه

الكميه كلها حسب الرغبه :

ديايه مسلوقه ومسحبه وممكن تستخدمون صدور دياي شرايح او الشاورما المثلجه

نص حبه من كل من فلفل احمر واخضر واصفر واخضر مقطعه شرايح طوليه

حبه بصل جوانح

نص شده بقدونس مفرومه نشيل منها قفشتين عشان ننثرها على الويه

البهارات / ملح وفلفل اسود وكركم وبهار دياي او ماجي

خبز مقطع مكعبات ومرشوش عليه زيت زيتون ومحمص بالفرن

صنوبر محمص او محمر بالزيت

مقادير الصلصه:

علبتين روب… يفضل روب بيت طعمه وايد احلى والوصفه موجوده بالبلوق هني

علبه لبنه حامضه

قشه كبيره هرده

فصين ثوم مهروس

م ص نعناع يابس

م ص سماق حسب الرغبه

قفشتين كبار زيت زيتون او مايونيز

ملح وفلفل اسود حسب الرغبه

الطريقه:

نحمس البصل بزيت الزيتون ونضيف له الدياي والبهارات والفلفل الملون وبعد ما نسكر النار نخلطه مع البقدونس عشان لا يذبل

نخلط مقادير الصلصه مع بعض

نصف الخبز المحمص بصحن التقديم وفوقه حمسه الدياي وصلصه الروب ونزينه بالبقدونس المفروم والصنوبر وقطرات من زيت الزيتون وبالف عافيه

One thought on “فته الدجاج بالفلفل الملون

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s