المقبلات والاطباق الجانبيه · السلطات

سلطة الباستا او الشهيره عندنا بالدوام باسم سلطه السبع فوائد

هالسلطه ما شاء الله عليها مديرتنا مشهوره فيها واهي تسميها سلطه السبع فوائد عشان الخضار اللي فيها … انا زدت مقادير الدريسنغ او تتبيله السلطة لان مقاديرها طلعت شوي ناشفه وزدتها خضار ولغيت مخلل الليمون ( ليمون مرقد ) او ما يعرف اللومي المصري لان بالبيت ما يحبونه اذا تبونه ﻻ تكثرون حبه او حبتين فرومين ناعم مو اكثر عشان لايعطي طعم مر بالسلطه

المقادير : راهيه تقدرون تقللون الكميه

كيس باستا ( معكرونه ) مسلوقه

كوب شبنت مفروم

كوب بقدونس مفروم

ربع كوب نعناع اخضر مفروم

نص كوب بصل اخضر مفروم

نص كوب مخلل خيار صغير او ما يعرف بالكورنشون  ( قللو الكميه اذا ما تحبون طعم المخلل )

نص كوب زيتون شرايح ( اخذت اللي بالزعتر وممكن تاخذون الي بالخلطه مع الزعتر او اي نوع ثاني بالخلطه احلى )

حبه فلفل ملون مقطعه شرايح متوسطه من كل الاحمر والاصفر والبرتقالي والاخضر

حبه او حبتين لومي مصري مخلل او ليمون مرقد مفروم ناعم  ( مو ضروري)

الدريسنغ :

4 قفشه كبيره  مسترد ديجون

ربع كوب زيت زيتون

نص كوب عصير ليمون

قفشه كبيره نعناع ناشف

قفشه كبيره سماق

رشه اوريغانو

ملح وفلفل اسود حسب الرغبه

الطريقه نخلط كل مكونات السلطه مع بعض

نخلط كل مكونات صلصه السلطة حتى يتكون مستحلب ثقيل ونخلطه مع الباستا نتركه فتره عشان تتنكه المكونات مع بعض ويقدم بالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s