مشروم محشي عجييييب… طبق يويو المشرومي

هالوصفه لذيذه جدا وريحتها تهبل وبتلاقي اعجاب الكل  … سويتها عشان اخوي الله يحفظه يحب المشروم وذوقه صعب بالاكل …اخذت الوصفه من بنت عمي وعدلت عليها عشان يوالم ذوق اخوي … بنت عمي تقول تقدرون تخلطون الصلصه الحمره مع باستا وتحشون المشروم بحجم اصغر وتدخلون الكل بالفرن … الوصفه الاصليه فيها سبانخ بس لان اخوي ما يحبه لغيته واستخدمت نوعين مشروم برتبلو وعادي

لازم تجربون هالوصفه  خاصه للي يعز المشروم ومرح تندمون  .. قدمو يمها بروكلي على البخار او بطاط مهروس او باستا بيضه وبالعافيه

المقادير:

6 حبات مشروم كبار ..  مثل ما ذكرت خلطت نوعين الابيض العادي والبرتابيلو

نص حبه من كل من فلفل اخضر واحمر واصفر وبرتقالي مفرومين ناعم

4-6 حبات مشروم مفروم

حبه بصله صغيره مفرومه ناعم

فصين ثوم او مقدار نص قفشه صغيره

قطعتين فيليه دياي مطعه قطع صغيره

ربع كوب جبن غونغنزولا .. اذا مو متوفر مو ضروري واذا تبون ممكن تبدلونه بجبن تشيدر مع الموتزريلا

قفشه جبن بارميزان بودر او فرش

نص كوب كريمه

نص كيس جبن موتزريلا للويه

قفشه صغيره ديجون مسترد

بودره كنور او ماجي او اي نوع بهار تحبونه

م ص اعشاب ايطاليه مخلوطه

اوريغانو اضافي للويه

علبه صلصه طماط جاهزه ماركه بريغو او ديلمو او اي نوع تحبونه … اذا تحبونها صلصه ورديه ضيفو لها نص كوب كريمه

بهار وملح وفلفل اسود وفلفل احمر حسب الرغبه

الطريقه :

نشيل عنق المشروم ونفرومه مع باجي المشروم … نصب صلصه الطماط بالبايركس ونصف المشرومات فوقه

نسخن زيت الزيتون ونضيف له البصل والثوم والمشروم  والدياي ونرش عليه البهارات وبودره الماجي والاعشاب ونتركه لين ينضى الدياي  ثم نضيف الفلفل الملون والمسترد ونوعين الجبن مع الكريمه

نحشي المشروم بالخلطه  بالتساوي بينهم واذا زاد صلصه كريمه زيدوها  على المشروم .. اذا تحبون الصلصه تكون ورديه  ضيفو باجي  علبه الكريمه على الصلصه الحمره .. نسكر كل مشرومه بكميه من جبن الموتزريلا ونرش على الويه واريغانو وندخلها فرن حار نص ساعه او على حسب حجم  المشروم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s