باستا الربيان بالسبانخ

طبق صيفي ورائع  …لا تغركم مكوناتها وتقولون يمكن مو حلوة  او زفره .. هالباستا لذييييذه جدا ومن حلاتها اختي فطوم طلبتها يومين وره بعض على الفطور .. جزء من جمالها ان مافيها حوسه و بتخلص بدقايق  … ممكن تاكلونها كسلطه دافيه او كطبق رئيسي … الطماط شبه المجفف تسوونه بالبيت عباره عن شرايح طماط مشروش عليها ثوم بودر واريغانو وريحان مجفف وملح وفلفل اسود وزيت زيتون ويدخل الفرن لين ينشف جزئيا واذا مالكم خلق تسوونه تقدرون تشترونه جاهز وبالصوره بتشوفون الماركه اللي استخدمها ( تحصلونها بمركز سلطان  اما بصوب الاجبان والزيتون تنباع بالكيلو او معلبه  صوب الاجبان واللحوم المبرده مثل المرتديلا  والسالمون ) واذا مو موجود ومالكم خلق تسوونه استخدمو الفرش العادي بس رشو عليه اوريغانو

السبانخ يفضل تكون فرش عشان لا تنزل ماي و المشروم استخدمو الكرميني عشان نكهته احلى واخر شي الربيان الحين وقته فلا تخافون مو زفر ان شاء الله .. استخدمو اي شكل باستا تحبونه مره سويتها بالبيني ومره بالفرافيلي وبكل مره حلوه .. تقدرون تضيفون على الويه جبن موتزريلا او بارميزان اذا تحبون

المقادير :

نص كيس باستا  مسلوقه .. نشيل منها ربع كوب من ماي السلق

طماطه متوسطه مقطعه جوانح  او علبه  طماط شبه مجفف او خليط من الاثنين وهذا اللي سويته اخر مره

كيس ونص سبانخ صغار  مقطع حسب الرغبه .. يفضل نص كيس

تقريبا نص كيلو ربيان مقشر ومنظف من الظهر

بصله كبيره او بصلتين صغار مقطعين جوانح

م ك ثوم مهروس

علبه مشروم كرميني ( بني ) مقطع شرايح

ملح وفلفل اسود وفلفل احمر خشن حسب الرغبه

عصير 2 لومي اخضر

الطريقه :

نسخن زيت الزيتون ونضيف له الثوم والفلفل الاحمر ونحركخ لين تطلع رحته وبعدين نضيف البصل ونحركه لين يتغير لونه ( دقيقتين  تقريبا )  ونضيف له المشروم … نسوي لنا مكان فاضي بالجدر او المقله ونضيف فيه الربيان ونرش الكل بالملح والفلفل الاسود ونقلبه بين يصير الربيان وردي وبعدين نضيف  كميه كيس سبانخ والطماط ونقلبه …نضيف ماي السلق اذا ما ذبل السبانخ والا ما نحتاجه … اخر شي  نحلط الباستا ونخلطه ونشيله من النار نرش عليه الليمون ونضيف باقي كميه السبانخ وينوكل بالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s