مربين ربيان طري بطريقه شيف عادله الشرهان

شيف عدوله .. ومنو ما يعرفها؟؟؟!!!

مشهوره بعفويتها وببساطتها بالطباخ وباصالتها بتطبيق الوصفات التراثيه … نزلت كتاب او اصدار رمضاني يحتوى على الوصفات التراثيه اللي عاده تنوكل برمضان .. الاصدار نفسه يبيله شوي تعديلات بالنسبه لمقادير الوصفات والترجمه  عشان جذي اتمنى تنزل منه نسخه ثانيه منقحه لان الكتاب يستحق الاقتناء 🙂

اول وصفه طبقتها من الكتاب المربين شكله بالكتاب يشوق وطريقته سهله … الفرق اني لغيت الماش بالوصفه وضفت بطاط  وغيرت شوي بطريقه الحماس

النتيجه لذيذه

المقادير: ( بتعطيكم الكميه اللي بالصوره )

كيلو ربيان وسط  منظف

نص م ص دارسين ناعم

3 حبات مسمار

4 هيل مطحون ناعم

م ص ملح

م ك بهار سمج ( اهي كانت كاتبتها بالكتاب بس انا استخدمت بهار ماركه شمه )

م ص كركم

م ص كمون

3 م ك زيت

نص بصله كبيره مفرومه

جيله عيش مغسوله ومنقوعه

م ص لومي ناعم

شده كزبره مفرومه

شده شبنت مفرومه

بطاطا كبيره مقطعه مكعبات ومقليه للويه

الطريقة :

نحمس البصل  لين يذبل وتالي نضيف له الربيان والبهارات وتقلبهم  لما يتمازجون  زنضيف الكزبره والشبنت ونحركهم ليما ياخذزن من الربيان و البهارات والبصل … نشيل جزء من الربيان ونضيف العيش للجزء الباجي بالجدر ونصب فوقه الماي الحار ونعدل الملح اذا احتاج

بعد ما يغلي الماي نوطي على النار ونتركه يتسكر … حزه التقديم ننجبه ونصف باجي الربيان على الويه بعد ما نرد نسخنه .. ممكن تخلطون البطاط معاه او تقدمونه بروح مثل ما سويت

وبالف عافيه

Advertisements

2 Comments اضافة لك

  1. tetna كتب:

    ماشالله شكله لذيذ وخنين

    من زمان أدور طريقة مربين على ربيان طري بس دايما الوصفات ماتدش مزاجي

    ان شالله متى مانويت اسوي مربين بعتمد هالطريقة

    تسلم الأيادي

    1. bent el deera كتب:

      الله يسلمج يا قلب بنت عمج 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s