بلاليط بطريقه نكهه وبهار مع القصار

فيديو الحلقه موجود باليوتيوب .. سواها من غير مقادير كله بالنظر حاولت اقدر المقدار حسب ذوقنا  زيدو او قللو الشكر حسب هواكم .. عاده ما استخدم الدهن العداني بالطبخ  و لا اعرف اشتريه  فاستخدمت بداله الزبده  .. النتيجه ما تفرق وايد عن الطرق الثانيه بالبلوق بالطعم الموجوده هني وهني .. فانتو شوفو شلي تحبونه وطبقوه

اللي تشوفونه وياه هذي البطاط الودجز هم على طريقه القصار وان شاء الله بنزلها كامله مع الاسكالوب بالصلصه

المقادير :

نص جيس  شعريه   مكسره باليد

كوب ونص شكر

ماي ساخن يغطي الشعريه

جم حبه هيل عدل

هيل ناعم وزعفران منقوع حسب الرغبه

قفشتين كبار زبده او حسب الرغبه

قروص بيض ( بيض مخلوط مع ملح وفلفل اسود ورشه هيل نحطه بمقله حاره ويفضل تيفال )

الطريقه :

ناخذ جزء من الشعريه ونحمرها بالزيت لين تتحمر

نذوب كوب الشكر بالماي ونضيف له الهيل ونوعين الشعربه ونتركه يفوح ويقلب قلبتين ونشخله (  ما نطول عشان لا يلجج  )

نذوب الزبده بالجدر ونضيف لها الشعريه وباجي الشكر والزعفران والهيل الناعم ونخلطهم كلهم مع بعض  ونتركه على نار خفيفه لما يتسكر .. واذا احتاج زبده على الزيده نضيف لها

نقدمه وفوقه قرص البيض ونرشه بالهيل الناعم على الويه ويقدم بالف عافيه

Advertisements

4 Comments اضافة لك

  1. feryal كتب:

    نشكرك على هذه الاكلات اللذيذة

    1. bent el deera كتب:

      العفو واشكرج على التعليق عندي 🙂

  2. ام حسن كتب:

    الله يعطيج العافيه وصفج سهل وصور روعه

    1. bent el deera كتب:

      حبيبتي مشكووووووره :)))

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s