وصفات برنامج نكهه وبهار مع القصار · وصفات رمضانيه · اطباق رئيسية · اطباق رئيسية- لحوم · اطباق شعبيه

يريش منهنه بطريقه القصار ببرنامج نكهه وبهار

هالوصفه بعد من الوصفات اللي ما نزلت بالموقع وموجوده باليوتيوب … ضيفه الحلقه كانت هيا شعيبي .. سويت المنهنه والعيش والنتيجه ولا اروع

هالمره بقولكم كلمته الشهيره ” عيونكم ميزانكم ” لاني ما التزمت بمقدار معين حطيت بالنظر

شوفو شحلات اليريش مفلفل

الحين نرد للمقادير :

تحتاجون لحم غنم مقطع حسب الرغبه

طماط مفروم

بصل مفروم

بهارات عدله ( دارسين وهيل و لومي و بهارات فوح المجبوس و نجمه الينسون وورق الغار ومسمار او قرنفل)

بهارات ناعمه ( كاري وكركم وبهار مخلوط وهيل ناعم ولومي ناعم )

وطبعا يريش (جريش )

فصوص ثوم عدل

معجون طماط

الطريقه :

اول شي نهنه اليريش او مثل ما يقول نشفشفه على مقلاه ناشفه لين يتغير لونه بس ننتبه انه ما يحترق  ونتركه يبرد  وبعدين نغسله ونتركه ينشف

بجدر فيه ماي فاتر نضيف اللحم والبهارات المذكوره فوق مع الطماط والمعجون والبصل ونتركه يفوح لين يستوي

نشخل ماي اللحم و نبهر اللحم بدارسين ناعم وهيل وبهار وندخله الفرن يتحمر او اذا تبون تقدرون تقلونه

نحمس بصل والطماط مع الثوم مع كركم وبهار ولومي ناعم  مع المعجون لين الكل يذبل  وتالي نضيف اليريش ونقلب الكل لين يتغلف اليريش بالنكهات الموجوده بالجدر

نضيف له ماي سلق اللحم على مراحل .. يعني نضيف جزء واذا نشف نرد نزيده مع التقليب عشان لا يلزق بالقاع .. واخر شي نغطيه ونتركه يترسى لمن تنفش حبته وتستوي وننجبه ويقدم وبالف عافيه

Advertisements

8 thoughts on “يريش منهنه بطريقه القصار ببرنامج نكهه وبهار

  1. مرره كنت متحمسه اسويه بطريقة القصار بس ماتجرأت
    لاني ماقد سويت اكل شعبي ابدا واهلي مو ذاك الزود عالمفلق بس شكلي بطبقه قريبا واضح انه ناطع
    تسلم يدينك

    1. الله يسلمج عزيزتي … سويه وانتي متطمنه النتيجه حلوة ومضبوطه … انصحج تستعينيين بالفيديو باليوتيوب بيساعدج تقدرين نسبه الماي ودرجه التحمير المناسبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s