فطور او ريوق · فطور رمضان و ريوق و سفرات كاملة · معجنات وفطاير · انواع الخبز والصمون · خطوة بخطوة

Bagel بيقل لذيييييذ

http://www.melskitchencafe.com/2011/04/homemade-bagels-step-by-step.html

من الذ واحلى البيغلز اللي بتاكلونه .. الوصفه سهله  بس بتاخذ وقت والنتيجه رائعه … انصحكم تجربونها  .. الوصفه اخذتها من الموقع  اللي فوق وطلعت منها بنتيجه عجييبه
شوفوها شلون من داخل

الطحين المستخدم لازم يكون عالي بالجلوتين ( طحين خبز ) الفاخر من شركه المطاحن مرح ينفع كلش بهالوصفه ولان الوصفه بالاصل بالطحين الابيض بس لاني بالعاده ماحب نكهه المعجنات بالطحين العادي فدايما اخلط انواع من الطحين ( اسمر وابيض وكامل وشعير )  وهالمره استخدمت

 

لانه  الوحيد المتوفر عندي وخاص للخبز … تحصلون طحين الخبز بمركز سلطان ولولو ماركت واي محل يبيع طحين مستورد … وممكن تشترون من الخباز الطحين الموجود عنده اتوقع يفي بالغرض

المقادير رح تعطيكم 8 حبات بيغل تقدرون تضيفون لها اي شي تحبونه وتزينونها باي شي تحبونه … استخدمت سمسم وابوي فنتق فيها بالحبه الحلوه وحبه البركه و بالتفاح مع الدارسين والشكر الناعم

المقادير :

4 اكواب طحين

م ك خميره فوريه

م ك سكر اسمر

2 م ص ملح

كوب ونص ماي دافي

مقادير اضافيه :

2 لتر ماي

2 م ك سكر اسمر

1 م ك سكر ابيض

وسمسم او بوبي سيد او جبن او اي شي تحبونه للوجه

الطريقه :

نخلط  كل المقادير الاولى مع بعض ونعجنها لفتره ما تقل عن 10 دقايق .. بتلاحظون ان العجينه مو بطراوه المعجنات الثانيه وهذا عادي  .. نتركها تتخمر بوعاء ممسوح بالزيت ليما يتضاعف حجمها ( ساعه ونص تقريبا )

بعد التخمير نقسمها الى 8 قطع كتساويه ونكور القطع ونغطيها بفوطه ونتركها تتخمر مره ثانيه لمده نص ساعه

بعد التخمير الثاني نشكلها بشكل البيغل .. باصبعي اسوي فتحه بالنص واوسعها باطراف اصابعي

بهالاثناء اخلط نوعين الشكر مع الماي واتركه يغلي

نسقط البيغل داخل الماي المغلي ونخليه باول ويه دقيقتين وبعدين نقلبه ونخليه بثاني ويه دقيقه

نشيلهم بعدين ونحطهم بصينه الفرن وعليها ورق خبز … نمسحها بالبيض ونرش عليها السمسم او اي نوع حبوب ( اذا بتحطون جبن من غير بيض )

ندخلها ليما تتحمر ونتركها تبرد شوي قبل التقديم وبالف عافيه

Advertisements

5 thoughts on “Bagel بيقل لذيييييذ

    1. yes it was chewy doughy in a good way … i don’t know what’s the REAL bagel taste like but i like the taste of this recipe 🙂
      your site AMAZZZZZING i like most of the recipe and I’ll try to do them all
      thank you so much for stopping by 🙂

  1. عجيييييييييييييييب أمس جربته تسلم أيدج. هم جربنا الشيش طاووق والدياي المشوي, باجر بسوي معجنات الهمبورغر والفريكة. تسلم أيديك على هالوصفات العجيبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s