reviews

review: the cheesecake factory -kuwait

امس رحت مع خواتي المطعم اللي الكل يتكلم عنه … اول ما تروحون ياخذون بياناتكم ويعطونكم جهاز واذا رن يعني طاولتكم جاهزة … طبعا لان الايوم الاول فالزحمه متوقعه بس الستاف وايد حلوين وحبوبين فيعوضون هالشي

نيي الحين حق الاكل … بس قبل لا ابدي هذي تجربتنا الشخصيه مع اخد بالاعتبار ان امس يومهم الاول فالغلط والتاخير بالطلب مرح اذكره وبذكر الطعم بس حسب ذوقنا … لاسم كل طبق حركو الماوس على الصوره

لذييييذه جدا حبيتها عباره عن نبات الكايل( نوع من انواع الخس او السلق ) ومعاه بندق وخس وتفاح وكرانبري يم يم يم  .. عجبتني بس ما عجبت خواتي

وطلبنا معاها سلطه سيزر مع دياي وكانت عاديه

ناتشوز مع جبن ودياي وجواكمولي وصلصه حمره وسور كريم … وصل بارد وميصص ما حبيناه

ربيان تمبورا ومعاه صلصه ديناميت … حلوه للي يحب هالنوعيه من الاطباق

كوسا مغلفه بخليط بقسماط ومقليه ومفدمه معاها صلصه جدا لذيذه… حبيتها  واليهال حسوبها موتزريلا ستك

هالباستا طلبناها كيدز ميل حق اليهال وكلناها عنهم من كثر ماهي لذييييذه .. وحتى بطاطهم كان حلو ومقرمش

دياي مع بستو باستا وسلطه جرجير وبروشوتو .. اختي عجبها بس انا ما عجبني لاني حسيتها ثقيله

مادري عن هالباستا بس اختي تقول حلوة … عباره عن دياي بالبقسماط معاها باستا بصلصه حمره … وطلبنا سلايدر برغر وكانت ترفه وحلوة

طبق اختي دياي مع صلصه حلوة ومعاها هيليون وبطاط مهروس …هالطبق حلو والبطاط المهروس اللي معاها لذيذ

image

وطلبنا 6 حبات تشيز كيك .. 2 اوريو و 2 فراوله و 1 رد فلفلت ووحده كي لايم مع المشروبات…طلع حسابنا بحدود 72 دينار

مثل ما بتلاحظون الاطباق راهيه وتكفي اكثر من شخص … بس مو كل اختياراتنا كانت موفقه

اذا بروح المره اليايه بكتفي بالكيك او المقبلات

موجود بالغراند افينيوز

Advertisements

2 thoughts on “review: the cheesecake factory -kuwait

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s