basic 101 · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -الدجاج والطيور · خطوة بخطوة

دجاج مشوي

IMG_20121202_155029

وايد سهله وخفيفه … الحركه اليديده مع هالدياي اني انقعه بماي بارد مضاف له شكر اسمر وملح وخل تفاح  جم ساعه او ما يسمى brining ..الهدف منه الاحتفاظ بطراوه ونداوه الدياي عند القلي او الشوي وهالطريقه تستخدم بعد بالتيركي او الريش واللحوم عموما او الجبن  … الاصل بالنقع يستخدم الماي والملح وممكن تشيلون اللي ما تبونه او تضيفون بهارات او اعشاب او اي شي ثاني لخيط النقع

النتيجه دياي طري ومو ناشف مع اني شويته من غير جلد … البهار المستخدم من دين اند دالوكا اسمه mediterranean بس طلع سبايسي فتقدرون تبدلونه باي نوع بهار ثاني حسب الرغبه

دياي مشوي

المقادير: ( حسب الرغبه )

صدر دياي بالعظم ومنزوع عنه الجلد

نص ملعقه صغيره بهار .. واذا كنتو بتستخدمون ناعم قللو الكميه الى ربع

فصين ثوم مهروسين

م ص زيت زيتون

ملح حسب الرغبه

بطاط مقطعه ارباع

خليط النقع :

نص لتر ماي

م ك ملح خشن

م ك شكر اسمر

ربع كوب خل تفاح

الطريقة :

مافي اسهل منها … ننقطع الدياي بالنقع لمده لا تقل عن 6 ساعات ومو اكثر من يوم .. ننشفها ونمسحها نص قفشه زيت ونفركها بالثوم ونرش البهارات من الطرفين .. باجي الزيت نرشه على البطاط ونرش الكل بملح

ندخله الفرن لما يستوي وبالعافيه

دياي مشوي 2

Advertisements

6 thoughts on “دجاج مشوي

  1. الله يعطيك الصحه والعافية والله أني بسعد دائماً لما بشوف وصفاتك تسلم الأيادي يا غاليتي…أم محمد

  2. حبيبتي الغاليه بنت الديره السلام عليكم ،كنت أتمنى لو تأخذي صور لسوق المباركيه لأني ما شفته من ٢٢عاماًوأود أن استرجع الذكريات الجميلة ..بارك الله فيك يا أحلى بنت في الديره…أم محمد

    1. هلا فيج اختي ام محمد وان شاء الله من عيوني اذا رحت المباركيه رح اصوره لج عاد شكله تغير من الغزو لي الحين … ومشكوووره على الحجي الحلو

  3. 7abeebti ana jarabt 6areegat el brining akthar mn marra mn 6urug kent ma5that-ha mn el net.. marra 6ela3 wayed male7..el mara eli ba3adha galalt il mel7..bas mala7a’6t enna el dyay 9ar wayed a6ra mnlama asaweeh bedoon brining..ma3 ana laman nakla fi ba3’6 el m6a3em el dyay ykoon waaayed 6eri laman ykoonoon emsawyeena brining gabel ma ye6b5oona

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s