خبز التمر او تبدون

خبز تمر

خبز كويتي شتوي فريد وطعمه لذيذ .. حلاته بالعصريه يم دوّه الفحم ومعاه جبن قلاص او ممكن جبن ابيض مالح (مره ذقته بالدوام محشي جبن ابيض مثل الفطاير وكان حلو ) اساس هالخبز التمر بس اذا ما تحبونه او مو متوفر عندكم طبقو نفس الخطوات بس زيدو كميه الشكر

خبز تمر 2

عمتي الله يشافيها تسوي احلى خبز تمر ممكن تاكلونه وكانت عندها عاده بهالوقت تطرش لنا منه …  ولانها بره الديره الله يردها لنا بالسلامه قررت اسويه بالبيت …جربت بوصفه منال العالم بس زدتها شكر ودبس عشان اللون والنكهه وهم زدتها حليب عشان الطراوه  وحبه حلوه وينسون بودر وحسيت ان الخبز ناشف شوي فزدته زيت بالمره الثانيه  .. الطحين المستخدم مخلوط ( كامل وعادي اسمر وابيض )وكميه الماي ومده النخمير تختلف بالفصول وحسب المطابخ فزيدو وقللو حسب الحاجه

خبز تمر بالدبس

خبز التمر

المقادير : ( تعطيكم 20 حبه صغار او 12 كبار )

كوب الى كوب ونص تمر من غير نوى حسب الرغبه

كوب ونص ماي مغلي

3 كوب طحين

1 م ك خميره فوريه

1 م ص ملح

3 م ك سكر ( اسمر او ابيض  او ستيفيا ) او ممكن تلغونه

1-2 م ك دبس التمر او السكر و ممكن الغاءه

2-3 م ك حليب بودر ( بعض الاحيان لزياده الطراوه اضيف حتى 5 م ك من الحليب البودر )

نص م ك ينسون ناعم

نص م ك حبه حلوه ناعمه ( شومر )

م ك حبه بركه

م ص هيل ناعم

خليط سمسم وحبه بركه وحبه حلوه للويه

2 م ك زيت  ( حسب الرغبه )

الطريقه :

تتقع التمر بكوب من الماي المغلي  ليما يذوب ونهرسه بالخلاط وبعدين نضيف كميه باجي الماي ( الهدف منه انه نحافظ على الماي دافي لتفعيل الخميره لان اذا حطينا كل الماي مره وحده بيبرد على ما يذوب التمر )

نخلط كوبين ونص طحين مع الينسون وحبه الحلوه وحبه البركه  والخميره  والحليب والشكر والدبس والملح وحبه البركه وخليط الماي والتمر ونضيف باجي الطحين بالتدريج لين يتكون لنا عجينه متماسكه .. نتركها تخمر لما يتضاعف حجمها بطاسه مدهونه بالزيت

نقطعها ونكورها ونتركها ترتاح مره ثانيه

نمسح الصينيه بالزيت وندخلها الفرن تسخن

نفرد كور العجين اليد ونرشها بخليط الحبوب ونحطها بصينيه الفرن الساخنه ونتركها اول ما تتحمر نشيلها ونكرر الخطوات

ممكن تحطون بالويه دبس تمر وبعدين الحبوب

وممكن بعد ما تطلعونها تمسحونها بشوي زبده مذوبعه او دبس تمر على الويه

وبالعافيه

Advertisements

5 Comments اضافة لك

  1. so0ka كتب:

    شكلو مرا يمي،، يديكي العافية>٣

    1. bent el deera كتب:

      الله يعافيج وشكرا حبيبتي

  2. جوجو كتب:

    يسلم يدج على هالطباخ الحلو

    1. bent el deera كتب:

      الله يسلمج عزيزتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s