سلعة ووصفة : بيض مخفوق عضوي من أرض الطبيعه

ما نحس بالفرق بين البيض العضوي او البيض البلدي وبيض العادي الموجود بالجمعيات الا بعد التجربه

طعم البيض وقوامه وغناه لا يضاهي البيض التجاري .. اصلا طعم البيض التجاري مقارنه فيه صاركالبلاستيك وما احبه

عاده البيض العضوي او مثل ما نسميه بيض البيوت او البيض البلدي يكون حجمه صغير .. اخترت بيض ارض الطبيعه لان حجمه يعتبر كبير مقارنه بالبيض العضوي العادي بس ممكن تاخذون من اي ماركه موجوده بس تاكدو انه عضوي لان الطعم الذ

سعره مرتفع  بس بالمقايل فوائده الغذائيه وطعمه الغني واللذيذ احسن بمراحل من البيض التجاري

مع هالسلعه ما احتاج وصفه معقده عشان اتمع بطعمه .. سويت لكم بيض سكرامبل او مخلوط مع مشروم وطماط مشوي وتوست اسمر محمص وبالف عافيه

المقادير والطريقة :

نخلط بيضتين مع ملعقه كبيره حليب وملح وفلفل اسود

نسخن المقله على النار ونضيف قليل من زيت الزيتون ونضيف انصاف مشروم وطماط كرزي حسب الرغبه ونرشهم بالملح والفلفل الاسود ونخليهم لما ينضجون ونرفعهم

بنفس المقله او الصاجه او الطاوه نخفف النار ونضيف قليل جدا من الزبده واول ما تذوب نضيف البيض ونحركه حتى السواء المرغوب فيه

يقدم الكل مع توست محمص وبالف عافيه

الإعلان