فطاير ورق العنب اللذيذه بطريقه شهوده

 

هالفطاير او المعجنات لذيذه جدا جدا واستغربت اني ما نزلت الوصفه مع انها موجوده عندي من زمان تعود الوصفه الى شهد الانسانه اللي ما عرفتها الا من وراء الشاشه بس معزتها عندي غاليه جدا

لكل محبي السبانخ  بيحبون هالفطاير ومرح يحسون بفرق… مقادير العجين المستخدم باللينك مع اضافه قليل من الشوفان مع الطحين

ممكن استخدام  اي نوع من ورق العنب سواء الطازج او المعلب او المجمد… بالعاده استخدم الورق الممزق والغير صالح للف عند عمل ورق العنب او ممكن خلطه مع انواع خضار اخرى كالسبانخ او الخبيزه او الزعتر … الخ

المعجنات الثانيه بالصوره للزعتر الملكي والوصفه موجوده هنا

 المقادير والطريقه باسلوب صاحبه الوصفه :

•  shahad__alroumi ييبي مقلى فيه زيت زيتون شويه وبصل شرايح وطماط هم شرايج ،، قليهم لين يتنكهون ،، تالي ضيفي عليها اوراق ورق عنب مقصصين طوال ،، اختاري الماركه الزينه ،، وقلبيه ويا الخلطه ، وضيفي شويه ماي وغطي المقلى ، وكل ما نشف زيدي ماي الين يستوي الورق العنب ، ولي استوت ييبي خلطة كنور اللي بالثوم والخل وضيفي شويه منها وقلبيه على نار هاديه تالي ذوقيها وحطي لها اضافات حسب رغبتج ،، وحشي فيها المعجنات ،، يمي لذييييذه 2y
•  shahad__alroumi جربيها بتعجبج انا متأكده ،، على فكره انا احيانا ما تكون متوفره عندي خلطة الكنور ف اضيف بدالها بس نص حبة ماجي خضره. وسواء جذي والا جذاك لذيييذه بكل حالاتها 🙂

الإعلان