سمبوسك البف باللحم

مع اقتراب رمضان الله يبلغنا اياه بصحه وعافيه ويتقبل طاعتنا فيه  موضوع التجهيزات والاطباق اليديده اهم موضوع حيوي الكل يتناقش فيه .. بالاضافه طبعا الى المواضيع الاخرى

بالنسبه لي كنت دايما اسويها بنفس اليوم  لانها سريعه وكميتها بسيطه فما جربت اثلجها … بس تنفع للتجهيز المسبق والتثليج بس دبلو المقدار.. اساس العجينه من منال العالم مع تعديلات بسيطه

جربوها وغيرو الحشوه مثل ما تبون اذا ما تفضلون اللحم .. ممكن حمسه بطاط وبزاليا … او بطاطا حره ,,, او خضار … او انواع جبن مشكله او اي شي تحبونه

وممكن تكبرونها تغيرون بالتشكيل والحجم تخلونها جيوب كبيره وتصير طبق رئيسي بدال المقبلات او تخلونها ميني للتقديم مع الشاي

بسم الله نبتدي

المقادير:

2 ك طحين+ 1/2 ك احتياط

1/4 م ص ملح

1/4 م ص كمون

1/8 م ص كركم

1/2 م ص حبه بركه

3/4 ك حليب سائل

1/4 ك زيت نباتي

الحشوه :

م ك زيت ذرة

ربع كيلو لحم مفروم

حبه صغيره بصل

م ص ملح

1/4 م ص فلفل

1/2 م ص كاري

حبه جزر مبروش

1/2 حبه من كل من فلفل اخضر واحمر واصفر مكعبات صغيره

1/2 ك كزبره مفرومه خشن

وحبه فلفل حار او علوب مفروم حسب الرغبه

الطريقه :

نسخن الحليب مع الزيت على النار حتى غليان المزيج  ثم يصب فوق خليط الطحين والبهارات وحبه البركه

تعجن حتى تتكون عجينه طريه سواء بعجانه كهربائيه او ملعقه خشب لانها ستكون ساخنه للعجن باليد )

تترك العجينه لترتاح في وقت تحضير الحشوة

الحشوه سهله .. نحمر اللحم بمقلاه جافة حتى يتغير لونه وينشف و نضيف عليه البصل والبهارات ونتركهم لين يذبل البصل وينضج اللحم نطفيء النار و نضيف باجي مكونات الحشوه

نقسم العجينه على حسب الرغبه ونفردها ونشكلها حسب الرغبه

تقلى بنار غزيره وتقدم بالف صحه وهنا

الإعلان