تارت الكراميل المملح/ salted caramel pop tart

بالنسبه لنا ثقافه البوب تارت مو منتشرة وايد بالكويت .. اذكر اكلته بطفولتي جم مره و ما تعلقت فيه بس المره اللي علقت براسي كانت العام الماضي بسفرتي تحديدا بواشنطن دي سي بمطعم تيد بولتن اكلت عندهم سولت كراميل تيد تارت كانت من الذ الاشياء اللي اكلتها خلال يومي واعتقد انها من التوب 5 اشياء اللي اكلتها طول السفره  … مالحه وحلوة وغنيه ومقرمشه كلها بلقمه وحده

من رديت وانا كل يوم اقرر اني ادور وصفه شبيهه لوصفه البوب تارت عشان اطبقها و اعيد الطعم اللذيذ اللي براسي

في يوم من الايام تشجعت وسويت وصفه كانت سهله ومريحه وكل مكوناتها عندي بالبيت .. اقدر اقول اني عجنتها وشكلتها وحشيتها وخبزتها باقل من ساعه لاني كنت فاهمه ان العجينه ما تحتاج ترتاح ونقدر نشتغل فيها على طول وكانت النتيجه رائعه ولذيذه جدا

الوصفه اخذتها من هالحساب بتعديلات طفيفه

بسم الله نبتدي

المقادير : ( 7-8 حبات )

  • 1 كوب طحن ابيض متعدد الاستخدام
  • 1كوب طحين اسمر مخصص للمعجنات والحلويات
  • 1 ملعقه كبيرة سكر
  • 1 ملعقه صغيره ملح
  • 1 كوب زبده بارده مقطعه مكعبات
  • 1 بيضه
  • رشه فانيلا ( سائل او بودر اي نوع )
  • 2-3 ملعقه كبيره حليب
  • الحشوة :
  • كراميل او دولتشي ديلتشي ( عباره عن علبه حليب محلى  تغلى بماء على النار حتى تتحول للكراميل )
  • ملح خشن
  • للوجه : بياض بيضه مخفوقه مع قليل من الماء

الطريقة :

بوعاء او بمعده الطعام نخلط انواع الطحين مع السكر والملح والزبده حتى تصبح كالرمل

نضيف الحليب والبيض ونعجنها ونقسمها لقسمين ( نصف العجينه غلقتها بالسولفان وريحتها بالثلاجه ونصف العجينه اشتغلت فيه على طول انتو احرار باختياركم)

نفرد العجينه بسطح مرشوش بالطحين ونقطعها لمربعات حسب الحجم المرغوب

نحشي نصف المربعات بصلصه الكراميل ونرشها بالملح ونمسح اطراف العجينه بالبيض المخفوق بالماء ونسكرها بالنصف الاخر من العجينه

نضغط اطراف المربعات بالشوكه لتاكد اغلاقها ولاعطاها الشكل المميز للبوب تارت

نمسح الوجه بالبيض ونخبرها بفرن مسخن حتى تنضج وتتحمر وتقدم

ملاحظه :

خيارات الحشوه واسعه .. ممكن حشوتها بالمربيات او حشوه النوتيلا او سكر مع دارسين/ قرفه

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s