خبز متعدد الحبوب

هالخبز الحلو فيه انه سهل وطري ولذيذ

يمكن الكثير يفكر ليش اسوي خبز بالبيت ؟؟ الاسواق متروسه باشكال وانوع مختلفه من الخبز وباسعار معقوله وغالبا تكلفه خبز البيت اغلى من الجاهز

انا اقولكم

بالنسبه لي احساس الانجاز لما اسوي خبز بالبيت واحط فيه المكونات اللي احبها ومن غير محسنات واضافات عشان تطوللي عمر الخبز بالاضافه الى ريحه اللي تعبي المطبخ بعد ما اخبز الخبز تسوى عندي كل الوقت والجهد اللي احطه فيه

وترا الخبز بالعاده مو مكلف طحين وماي وملح وخميره واعتقد هالاشياء كلها موجوده بمونه المطبخ الاضافات اللي ممكن تكون ” مكلفه ” ممكن الاستغناء عنها اذا ما تشوفونها ضروريه

المهم هالخبز من اسمه متعدد الحبوب استخدمت فيه كل انواع الحبوب الموجوده عندي بخزانه المطبخ بالاضافه الى حبوب الافطار ” hot cereal ” وعاده متواجده بمركز سلطان ولولوهايبر ماركت بالكويت او تقدرون تطلبونها اونلاين حسب اي شركه مفضله لكم وانا انصحكم ب ” bob’s red mill” لان هذا النوع اللي استخدمته

بسم الله نبتدي

المقادير : ( تعطيكم 2 قالب توست بحجم 9*5)

  • 1 1/2 كوب حبوب الافطار المتعدده ( 7 grain hot cereal)
  • 2 1/2 كوب ماء ساخن
  • 3 اكواب طحين متعدد الاستخدام
  • 1 1/2 كوب طحين اسمر كامل
  • 4 م ك عسل
  • 4 م ك زيت نباتي او زبده مذوبه
  • 2 1/4 م ص خميره فوريه= باكيت صغير
  • 3/4كوب من الحبوب ( استخدمت 1/4 كوب كلا من الحب الشمسي وحب القرع و3 م ك سمسم محمص و2 م ك بذور الكتان )
  • 1 م ك ملح
  • 1/3 كوب شوفان للوجه

الطريقة:

نسكب الماء الساخن على حبوب افطار ونتركها تقريبا ساعه حتى تصبح كالعصيده ثم نضيف العسل والزبده المذوبه والخميره للخليط

نضيف نوعي الطحين بالتدريج حتى تتكون عجيبه ملساء طريه ثم نضيف الحبوب والملح ونخلط

نتركها تتخمر حتى يتضاعف حجمها ثم نشكلها الى مستطيلين نلف كل مستطيل بحبوب الشوفان ونتركه يتخمر مره اخرى في قالب الخبز حوالي نصف ساعه

نخبزهم بفرن متوسط الحراره حتى ينضجون حوالي ساعه الا ربع

يترك ليبرد قبل التقطيع وبالف صحه

Advertisements

2 thoughts on “خبز متعدد الحبوب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s