برغر لحم

عندي وصفات برغر كثيره … دايما افضل البرغر المنزلي لانه الذ ولاني احط الاشياء اللي احبه فيه ولانه سهل

غالبا اسوي كميات كبيره واغلفها واكبسها بالجهاز المخصص لكبس البرغر واحتفظ فيها بالفريزر لوقت الحاجه

اللحم اللي افضله عجل او بقري واخلي فيه نسبه بسيطه شحم عشان النكهه وعشان يضمن تماسك البرغر وما يتفتت بالشوي

كل كيلو من اللحم يعطيني 10-12 حبه حسب الحجم

لوصفات البرغر الاخرى هنا وهنا وهنا وهنا وهنا

بسم الله نبتدي

المقادير :

• كيلو لحم عجل مفروم خشن وسط
• 1 بيضه كبيره بحراره الغرفه
• من 2م ك الى ربع كوب كتشب حسب الرغبه والذوق
• 1 م ك صلصه مسترد / خردل
• 2 م ك صلصه ورشستر worcestershire sauce

• 1 بصله مفرومه ( تذبل ب 2 م ك زيت او زبده وتترك لتبرد قبل اضافتها للحم )
• 1 م ص اوريغانو
• ملح وفلفل اسود حسب الرغبه
• بالامكان اضافه اي نوع بهارات حسب الرغبه ( ثوم او بصل او بهارات ماجيك او تكتفون بالملح والفلفل )

الطريقه :

نخلط اللحم مع البيض والبهارات والبصل والصلصات حتى يتمازج

نشكله على كور كبيره

نكبس الكور بجهاز كبس البرغر بعد تغطيته باوراق الزبده او الاوراق المخصصه لتثليج البرغر

تبرد قبل الاستخدام او تثلج لحين الاستخدام حسب الرغبه

الإعلان