كفته برغر

عبير الراشد المبدعه منزله الوصفه الاساسيه بكتابها وذكرتها عندي بالمدونه انها الوصفه اللي كنت ابحث عنها من زمان … في سنه 2013 نزلت نفس الوصفه بحسابها بانستقرام باضافاتعشان تشبه الكفته مادري ليش خذت مني كل هالوقت لتطبيقها

وايد لذيذه والبقدونس معطيها نكهه طيبه …. لان اصلا اساس البرغر لذيذ … نكهه التدخين مو ضروريه بس اشوفها اضافه وايد حلوة لانها ترفع نكهه البرغر

اكتشفت بعدين اني ما طبقتها ب100% بس النتيجه حلوة كما هي

View this post on Instagram

وهذي وصفتها مرة ثانيه وانا قلت سابقا يفضل قلي البصل شوي وتجفيفه من الزيت وعقب نحطة بخلطة البيرغر جذي ماراح يطلع ماي من البيرغر كفته وطعم البيرغر وايد احلي بهالحاله نزيد البصل ونخليه كوبين بس اذا مو حابين تقلونه مثل ماهو مقدار البصل مايتغير كوب ونص واللي مو عارف صلصة الوورسيسترشير وين يلاقيها موجودة بالجمعيات وغالبا بجانب الصويا صوص#عبير_الراشد_ساندويشات

A post shared by عبير الراشد_اصدارات الذواقه (@abeeralrashed_kw) on Jul 29, 2013 at 4:11am PDT

بسم الله نبتدي

المقادير : تعطينا كميه كبيره حوالي 12-14 حبه

• كيلو وربع لحم عجل مفروم مع نسبة من الشحم
• 2 كوب بصل مفروم ناعم ومذبل بزيت وزبده ومبرد
• 1/2 كوب بقدونس مفروم
• 2 م ك صلصه ورشستر
• 1 م ص نكهه مدخنه liquid smoke ( اختياري)
• 1 م ص بهار لحم او بهار برغر اوبهار ستيك ( اذا تحبونها مبهره خلوها 1 م ك )
• 2 م ص اعشاب مجففه
• 1/2 م ص بابريكا ( اختياري )
• ربع كوب بقسماط
• 1 بيضه
• ملح وفلفل حسب الرغبه

الطريقه :

نخلط كل المكونات مع بعض مع عدم المبالغه بالخلط لان حراره اليد كفيله بتذويب الشحم واحنا بنحافظ عليه عشان يكون جوسي

نكبس البرغر بين ورقتين زيده حسب الحجم المرغوب … الكميه المناسبه لنا بالبيت ثلث كوب لكل قرص

وطلعنا منها سلايدر صغير

نشويها اما بالفرن او بالشوايه او على مقلاه من الزهر او نثلجها لحين الاستخدام وصحتين 🙂

الإعلان