صمون حجري عراقي

صمون شكله مميز… طعمه اقرب من الخبز او النان بمعنى ان مافيه محسنات مثل الزبده والحليب والبيض والزبادي لكنه لذيذ وممتاز مع الحشوات … بالنسبه لي هذي انجح وصفه جربتها للصمون الحجري بنفس الطعم بالضبط

اخذتها من الحساب

الكميه اللي طلعت لي كبيره جدا فوق ال15 خبزه من الحجم العادي … ستخدمت فيه طحين خبز اوطحين عالي الجلوتين عشان يعطيني التجاويف والنفخه اللي يمتاز فيها

بسم الله نبتدي

المقادير : لحوالي 18-20 خبزة من الحجم الظاهر بالصورة

• 600 غ او مل ماي دافي ( وممكن رفعها الى 700 لكنها بتكون صعبه بالتشكيل )
• كغ طحين عالي الجلوتين استخدمت Extra Strong Bread flour (T65)
• 1 م ك خميره جافه نشطه او فوريه
• 1 م ك سكر
• 1 م ك ملح
• اضافه تختاريه 100 غ مستبعد خمره ساوردو
• للوجه : خليط من الطحين والماء + سمسم محمص

الطريقة :

نفور الخميره بالماء والسكر ثم نضيف خمره الساوردو والطحين ونعجن … العجينه ملساء وطريه جدا جدا وهذا عادي نعجنها بالعجانه الكهربائيه ونتركها ربع ساعه ثم نضيف الملح ونكمل العجن حتى يشتد عرق العجين

نخبط العجين ونطويه على طاوله مرشوشه بالطحين حتى تمسك وتصبح ملساء

تقطع الى كرات كل كره حوالي 100 غ ونفردها باطراف راحه اليد عشان نشكلها بشكل مدبب من الاطراف تقريبا نفس الصوره بس بحجم اصغر طبعا

نتركها ترتاح بصينيه مرشره بطحين ونغطيها بفوطه لحد ما نمل باجي الكرات

باطراف الاصابع نطبب على وسط العجينه مع سحب الاطراف لتاخذ شكل لصمون المميز

نتركها ترتاح تحت فوطه

نمسحها بخليط الطحين والماء ونرشها بالسمسم

نسخن حجز البيتزاونخبزها او نسخن الفرن لاعلى درجه حراره ونخبز الخبزات حتى تنفخ وتتحمر

صحتين

الإعلان