بهار كويتي

اخذت الوصفه من حساب حصه السبيعي بانستقرام …. الكميه المذكوره كبيره جدا جدا … طبقت عشر المقدار وطلعت لي برطمانين كبار خليت واحد بهارات عدله لسلق اللحوم والدجاج مع اضافه ورق الغار وطحنت الجزء الثاني وكانت ريحته خنينه ما شاء الله

View this post on Instagram

خلطه البهارات 🦋 هذي المقادير : نص كيلو من ( فلفل اسود / دارسين / كمون / عرج الهيل / زنجبيل / هيل ) ربع كيلو مسمار /كيلو كزبره ضعف كميه باقي المقادير الكزبره . ياجماعه هذي طريقتي وكل بيت له طريقه خاصه فيه حسب ماتحبون تهالمقدار الي سويته اخلطه كله مع بعض واطحن نص والنص الثاني احتفظ فيه بالثلاجه علشان استخدمه حق الوصفات الي فيها بهارات صحيحه وليست مطحونه ويفضل انه تطحنون حسب الحاجه وهذي البهارات خلصت ونصيحه لكم فراشاتي خلصوا شغلكم قبل رمضان عشان الزحمه علي المطاحن #butterflyq8🦋

A post shared by butterq8fly🇰🇼🦋 (@butterq8fly) on Apr 5, 2020 at 1:10pm PDT

درجه نعومه البهارات حسب الرغبه …. اذا تبوها انعم صفوها بمشخل ناعم او بعد ما تغسلونها وتنشفونها طحنوها باحد محلات المطاحن المتخصصه مثل مطحنه سمراء عدن او العتيبي وعبده

بسم الله نبتدي

المقادير:
100 غ كزبره حب
50 غ فلفل اسود
50 غ هيل اخضر
50 غ عرج الهيل/خولنجان
50 غ دارسين /قرفه
50 غ كمون
50 غ زنجبيل
25 غ مسمار

الطريقه :
نغسل كل البهارات وننشفها عدل .. نحمص الكزبره شوي على النار وننطرها تبرد
نكسر الزنجبيل وعرج الهيل والدارسين بالهاون/النجر ونطحن الكل بالمطحنه
ممكن تحتفظون بالبهارات عدله لاستعمالها بسلق اللحوم والمجابيس مع اضافه زياده ورق غار

الإعلان