mas huni تونا بالطريقه المالديفيه

طبق وايد سهل ولذيذ وصحي .. بالعاده ينوكل على الريوق مع خبز خفيف نفس الشباتي او البوراتا ومعاه يخنه كاري

بس انا احبه كعشا خفيف … اذا تحبون التونه عندي وايد وصفات هني وهني وهني وهني وهني وهني وهني وهني

المقادير اخذتها من احد المنتجعات الموجوده بالمالديف

بسم الله نبتدي

المقادير لشخص او شخصين :

• علبتين تونا = 400 غ تقريبا مصفيه
• 1 حبه جوز هند مبشوره طازج .. تحصلونها جاهز ببعض المحلات مثل لولوهايبرماركت او سيتي سنتر …. واذا مو متوفره استخدمو كميه من الجوز الهند المجفف بعد ترطيبه كم ساعه بماء فاتر وبعدين نصفيه ونعصره
• 2 بصل صغار مفروم ناعم
• 1 حبه فلفل اخضر حار مفروم ناعم ( حسب الرغبه )
• 1/2 م ص فلفل احمر مجروش او فلفل حلبي اذا بتخففون الحراره
• 2-3 عصير لايم / ليمون اخضر / لومي مع بشر حبه منهم حسب الرغبه
• ملح وفلفل حسب الرغبه

نخلط كل المقادير مع بعض وتقدم بجانب الخبز او مع سلطه

لذيذه جدا

الإعلان