صب القفشه

تاخرت بهالوصفه واتمنى الغاليه Corpse Bride تسامحني بس ماكان عندي كمبيوتر اشبك منه ورا الفطور

مثل ما قلت من قبل الوصفه ماخذتها من عبير الراشد انا ازيد كميه الحليب واسوي نص الكميه لان محد عندنا يحب ياكلها غيري وابوي … اذا تحبونها مقرمشه بدلو كميه طحين النخي بطحين عادي.. هالوصفه تحتاج تخمير طويل وكل ما تخمرت اكثر طلعت احلى.. بالوصفه مكتوب انها تخمر من 8-10 ساعات .. الكميه اللي بالصوره ثلث المقدار المكتوب :>

المقادير:

ثلاث ارباع كوب طحبن ابيض

2 م ك طحين اسمر

ربع كوب طحين نخي

2 م ص نشا

رشه ملح

ثلاث ارباع م ص هيل بودره

2 م ك ماي ورد

نص م ص زعفران ( استخدمو الاسباني احسن )

نص كوب روب

2 بيض

ربع كوب حليب دافي

25 غرام او ربع قالب زبده مذوبه

م ص خميره

شيره

فستق للزينه

الطريقة:

نخلط المقادير الجافه مع بعض

بطاسه ثانيه نخلط البيض وباجي المقادير مع بعض ونصبها فوق الخليط الجلف مع التحريك المستمر

نغطي الطاسه بفوطه دافيه رطبه ونخليها تخمر ساعات وبعدين نرد نخلطها ونرد نحمرها 4- ساعات ثانيه

نقليها بزيت خفيف على نار هاديه ونقلبها مره وحده لما يتحمر الجزء السفلي

اذا استوت نصيفيها من الدهن ونقلبها شوي بالشيره ونشيلها ( اذا قعدت وايد بتشرب كميه كبيره من الشيره )

نزينهابالفستق او نليها حسب الرغبه

وبالف عافيه

 

شيش طاووق عبير…

هالوصفه نقلتها نقل من كتاب عبير الراشد الذواقه 2.. ما غيرت فيها ولا شي وعجبت البيت وايد خاصه ان الدياي طلع ترف كلش

انا استخدمت صدور دياي فرش كبيره وخليته يتبل يوم كامل… ان شاء الله تجربونها وتعجبكم :>
صديقات الرجيم تقدرون تستخدمون هالوصفه .. قللو مقدار الزيت واستخدمو روب قليل الدسم مع شوي ليمون

12 صدر دياي كبار
1 وثلاث ارباع قفشه صغيره كركم
ربع قفشه صغيره فلفل اسود
ربع قفشه صغيره فلفل احمر
ربع قفشه صغيره بهار حلو
رشه دارسين ناعم
ثلاث ارباع قفشه صغيره ملح
نص شده بقدونس مفروم
2 علبه روب
1 ونص قفشه صغيره مسترد
5 قفاش كبار زيت
قفشه كبيره بصل مبشور
ثلاث ارباع قفشه صغيره ثوم مهروس

الطريقه:
نقطع الفيليهات الى مكعبات بحجم متوسط
نخلط باجي المقادير ونضيف الدياي لهم ونتركه بالثلاجه يتبل حسب الرغبه

اذا كانت الاسياخ متوفره نشك الدياي فيهم مع الخضار المرغوبه ( بصل – فلفل اخضر- ليمون) ونشويهم على الفحم او الشوايه الكهربائيه
او نقدر ندخلهم صينيه الفرن مع جزء صلصله التتبيل لين تنشف ويستوي الدياي
وبالف عافيه

لازانيا بالربيان…

نزلت الصورة من زمان ونسيت اكتب الوصفه… سامحوني على التاخير

المقادير:

بصل مفروم

3 حبات فلفل بارد مقطع حسب الرغبه ( او ملون )

بروكلي حسب الرغبه

بقدونس

ريحان مجفف

اوريغانو

علبه كريمه

بارميزان مبشور

3/4 قفشه صغيره ثوم + 2/1 قفشه صغيره

ربيان مقشر ومشيول منه الخيط الاسود

كاري

فلفل اسود

8 م ك طحين

6 حبات صغيره زبده

2 ك حليب

رشه دارسين

رشه جوز الطيب

رشه سكر

نص علبه معجون طماط

2طماط مهروس

زيت زيتون

ملح

لزانيا

بهار

جبن موتزريلا مبشور ( اخذوه قالب و بشروه بالبيت احلى )

الطريقه:

اول شي نسوي حمسه الربيان عشان بنحتاج الصلصه في البشاميل… نحمس البصل والفلفل الاخضر والبروكلي وبعدين نضيف عليه 4/3 قفشه صغيره ثوم لين تطلع ريحته وبعدين نضيف الربيان والكاري والفلفل الاسود وبهار وننطره لين ينشف وبعدين نضيف البقدونس والكريما والملح و3 م ك او اكثر جبن برميزان مبشور وريحان مجفف واوريغانو ونخليه ربع ساعه تقريبا لين يتشرب الكريما من النكهات وبعدين نصفيه ونخلي الكريمه على جنب عشان البشاميل

نحمس الطحين مع الزبده لين يشقر لونها وبعدين نضيف الحليب بالتدريج عشان لا يتكتل ونضيف الكريما ورشه دارسين ورشه جوز الطيب ونحركهم كلهم لي الكثافه المطلوبه

الحين الصلصه الحمره… نحمر زيت زيتون مع ربع قفشه ثوم وبصله صغيره مفرومه وبعدين نضيف الطماط المهروس ومعجون الطماط ونحركهم شوي وبعدين نضيف الماي والاعشاب( اوريغانو و ريحان مجفف) ورشه شكر و ملح ونخليها على نار واطيه لين تتكثف شوي

الحين نطبق بالبايركس على شكل طبقات

بشاميل

لزانيا

ربيان

جبن موتزريلا

صلصه طماط

لزانيا

بشاميل

صلصه طماط

ربيان

بشاميل

جبن موتزريلا

ونحطه بالفرن لين يستوي وتتحمر الطبقه العلويه

وبالف عافيه

سمك هامور بصلصه الزعفران…

هالوصفه اخذتها من عبير الراشد… وايد حلو طعمها وخنينه… بالوصفه الاساسيه تستخدم الهامور بس انا كنت اسويها بسمج كريم دوري المثلج ولا يطلع نوع من انواع ال cat-fish … عاد سويتها بالهامور وطلعت احلى بس لا تستخدمون القطعه اللي صوب الذيل لانها عرده شوي

انا ماذكر الوصفه بالضبط ولا المقادير.. بس انا اخلط كلشي مع بعض … ممكن بعضهم ما يفضل اضافه الروب بالصلصله .. انا جربتها معاه ومن غيره وما حسيت بفرق يعني تقدرون تستغنون عنه :>

المقادير :
سمج هامور مقصص حسب الرغبه
كزبره
بصل
ثوم
زنجبيل
زيت
زعفران
كركم
بابريكا
فلفل اسود

كاري

طماطه مفرومه

ومعجون طماط

زعفران ( نص قفشه صغيره او اكثر لانه اساسي بالوصفه)

3-4 قفاش روب

ملح

الطريقه
خذيت السمج و بهرته بكركم وشوية ملح وفلفل اسود وبابريكا
بعدين قليته بدهن طبعا ما ياخذ وقت كلش يمكن 5 دقايق وبنفس زيت القلي اخفف كميته و احمس بصل وثوم وزنجبيل
واحط بهار كاري و كركم وهيل وفلفل اسود وبابريكا بعدين حطو 3 قفاش معجون طماط وطماطة مفرومة وعقب حطو 4-5 قفاش روب وقعدو حمسو اخر شي حطو كزبرة مفرومة وزعفران
بعدين نحط السمج ونخليه على نار هادية بس لا تحركونه علشان لا يتفتفت السمج

وقدموه بالعافيه

سلطه فراوله…

هالمره بس اخذت الفكره من عبير الراشد المكونات والمقادير والدريسنغ من عندي… نكهتها حلوة وشكلها يشوق..

المقادير:
خس مقطع بالطول
جرجير
فراوله نص علبه تثريبا او بحجم صحن التقديم
لوز
سمسم
2 بصل اخضر
الدريسنغ:
صلصه ايطاليه
بصل بودر
شكر شوي
خل بلساميك
خل عادي
زيت زيتون

الطريقه:
نصف الخضار وفوقها الفراوله والبصل الاخضر … نخلط مقادير الدريسنغ ونصبها فوقهم نرش السمسم و اللوز وبالعافيه

سلطه بقدونس وطماط مجفف ومشروم …

الفكره و المكونات اخذتها من كتاب عبير الراشد … بس المقادير والدريسنغ لعبت فيهم شوي… والحمدالله طلعت النتيجه حلوة

المقادير:
2-3 شدات بقدونس مفرومع فرم كبير مع العود
21 شده نعناع
3 بصل اخضر
10 حبات طماط محفف
8 حبات مشروم شرايح
صلصه ويسشتر صوص
زيت زيتون
بطاطه كبيره مبشوره
الدريسنغ:

الطريقه:
يفرم كل الخضار وتخلط
يخلط الزيت والصلصه مع المشروم ويشوى واذا برد يخلط مع الخضار
نقصص الطماط شرايح ضعيفه ونخلطهت معاهم ونخلط معاهم الدريسنع
ننفقع البطاط بماي فتره عشان نتخلص من النشا ونقليه وذا برد نرشه فوق السلطه وبالعافيه… وهذي الصوره قبل وضع البطاط المقلي

ربيان مشوي مع صلصه البقدونس والطماط…

هذا غدانا اليوم مع سمج هامور بصلصه الزعفران… سريع ولذيذ وخفيف .. اخذت الوصفتين من كتب عبير الراشد وغيرت فيهم شوي بالمقادير..
الربيان حاولو يكون وسط لي جمبو.. والبهار اللي تحتاجونه ماركه ماجيك خاصه بالسلمون وانصحكم تحتفظون فيه حق اطباق السمج


المقادير:
ربيان تقريبا كيلو او كيلو الا ربع

مقادير التتبيله :

رشه كزبره بودر
رشه بابريكا
رشه فلفل اسود
رشه فلفل احمر
شوي بهار سمج
شوي بهار السلمون
1 م ك زيت زيتون
1 م ك خل
21 ص ملح

مقادير الصلصه:

2 م ك بقدونس

41 ك زيت زيتون

حبه طماط مقطعه مكعبات

2 21 م ك عصير ليمون

1 م ص خل

41 م ص ثوم مهروس

رشه بابريكا

رشه فلفل اسود

41 م ص ملح

الطريقة:

نغسل الربيان ونشيل راسه ونفتحه من صوب الظهر لي الذيل عشان يتبطل ويصير بمستوى واحد

نخلط مقادير التتبيل مع بعض ونصبها فوق الربيان ونخليها فتره

نجهز الصلصه بخلط البقدونس مع الزيت في الخلاط لين ينهرسون ويختلطون .. بعدين نقلب باجي المقادير معاهم ونخليهم لي حزه التقديم

نشوي الربيان بالشوايه الكهربائيه من جهه اللحم اول وبعدين نقلبها صوب القشر لين يكتمل سواه عدل

نصفها بصحن التقديم ونصب الصلصه فوقهم وبالعاافيه