jamie oliver recipes · مشروم او الفطر او عش الغراب · المقبلات والاطباق الجانبيه · الشوربه او الحساء

شوربه المشروم من غير كريمه

image

ذكرت في السابق عﻻقه الحب -الكره بيني وبين الفطر او المشروم
في سنه 2014 امتدت عﻻقه الكره حوالي 8 شهور قبل ان اقرر كفاتحه للسنه الجديده تقديم وصفه او طبق يعيد امجاد الفطر ” على اﻻقل بالنسبه لي ”
وﻻني غالبا في فصل الشتاء افضل اطباق الشوربه او الحساء قررت ان ابحث عن وصفه جديده لحساء استهلك جدا بالكريمه والزبده …. لفت نظري وصفه الشيف جيمي اوليفر لشوربه باسم ” حساء الفطر اﻻصلي”
ممممم اصلي ، حقيقي ، وبعدما اخذ يتغنى بطعم الشوربه عندما ذاقها ﻻول مره قررت ان اطبقها سريعا
اخواني حفظهم الله عﻻقتهم مع انواع الفطر عﻻقه موده وحب وبالتالي اصناف وانواع المشروم الطازجه والمجففه والمثلجه متوافره طوال السنه بالمنزل
استخدمت بهذه الوصفه 5 انواع من المشروم ( بورتبيلو ، شانتريل، كرميني ، بوتن ” اي اﻻبيض المعتاد ” ، انوكي )
النتيجه كانت الذ من المتوقع وسعيده بهذا اﻻختيار كوصفه اعيد بها ذاكرتي لما احبه بالمشروم

المقادير :
5 اكواب من انواع الفطر المقطع
2 م ك زبده
2 م ك زيت زيتون
رشتين من الزعتر المجفف
بصله متوسطه مفرومه
1 م ص ثوم مهروس
ملح وفلفل اسود حسب الرغبه
مرق دجاج
بشر ليمونه + عصيرها
نصف كوب من البقدونس المفروم
الطريقه :
عند استخدام الفطر المجفف ينقع بماء ساخن نصف ساعه على اﻻقل كخطوه اولى حتى يستعيد حالته قبل التجفيف مع اﻻحتفاظ بماء النقع
تحمر جميع انواع الفطر مع الزبده والزيت وتقلب
تتبل بالملح والفلفل اﻻسود والزعتر وتترك على النار حتى تذبل وتتشرب السوائل التي تخرجها عند تعرضها للحراره … ثم يضاف البصل والثوم وتقلب
يضاف لها الماء او المرق وتترك للغليان ثم تخفف النار وتترك لثلث او نص ساعه تقريبا
تطحن الشوربه حسب القوام المطلوب وقبل التقديم يضاف بشر الليمون وجزء من البقدونس وعصير الليمون
تقلب ومن ثم تزين بباقي البقدونس وتقدم

burgers · jamie oliver recipes · من هنا وهناك · السندويشات · اطباق رئيسية · اطباق رئيسية- لحوم

برغر جيمي اوليفر

 

لذييييييييييذه وترفه … اللحم اللي استخدمته مفروم فرش بالبيت … مع انه غنم بس ما كان زفر كلش… اخذته من مجله فتافيت عدد مايو 2011

شوفوا شحلات شكله … جربته نفس الوصفه بالضبط وهم جربته مع حبن الفيتا وكل مره له طعم حلو .. اذا تبونه نفس الوصفه ضيفو له طماط وريحان وجبن حلوم وصلصه الشمندر

المقادير : المفروض تعطيكم 4 حبات برغر بس انا طلعت لي 6

بصله متوسطه مفرومه ناعم

اريغانو ربع قفشه صغيره

حبه فلفل احمر مفروم من غير بذور  ( الحار )

بشر وعصير ليمونه كامله

نص شده بقدونس بس الاوراق مفرومه

بيضه

ملح

فلفل اسود

ربع كوب بقسماط + كميه اضافيه حسب الحاجة

نص كيلو لحم مفروم ( غنم )

طماط وخس ومايونيز واي شي تحيونه مع البرغر

انا حطيت طماط وخس وجرجير وجبن فيتا

الطريقه :

نحمس البصل مع الاوريغانو بزيت الزيتون  لين يتغير لونه وبعدين نبرده ونضيفه حق الفلفل المفروم واللحم والبقدونس وبشر  الليمون مع عصيره والبيض ونخلطه باليد ونضيف البقسماط بالتدريج لين نحصل على تركيبه البرغر .. نقسمه الى 4 او 6 ونشكله دوائر وبعدين نحطه بالثلاجه او الفريزر يرتاح

نسخن الشوايه ونشويه عادي من 12- 15 دقيقه لحد ما يستوي وباخر دقيقتين نحط الجبن عشان يذوب

ونقدمه بالخبز مع المكونات اللي تحبونها وبالف عافيه

jamie oliver recipes · من هنا وهناك · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه · اطباق رئيسية-باستا او المعكرونه · خطوة بخطوة

كفته التونه بطريقه جيمي اوليفر

اهو مسميها ” tuna meatballs ” وطعمها حركه يديده وتغيير عن اللحم … طعمها يديد ومرح تحسون انها تونه … بالوصفه الاصليه اهو مستخدم  ستيك تونا وطبخه وبعدين خلطه بباجي المكونات… انا سهلت المهمه على روحي واستخدمت التونا المعلبه .. الصلصه وايد سهله وخفيفه ولذيذه… انا اكلت معاها باستا سمره وكانت وجبه مشبعه وبنفس الوقت مو ثقيله على المعده .. ممكن تحشونه بسندويشات بدال الباستا

اخذت الوصفه الاصليه من موقعه

شكلها يشوق مو  ؟ 🙂 … لينك الوصفه :

http://www.jamieoliver.com/recipes/fish-recipes/the-best-tuna-meatballs-le-migliori-polp

المقادير الكفته : ( انا استخدمت نص المقدار المذكور  )

علبتين تونا

تقريبا ثلث  كوب صنوبر محمص

قفشه صغيره اوريغانو مجفف

تقريبا ربع كوب بقدونس مفروم

كوب بقسماط

نص كوب جبن بارميزان مبشور طازج وكميه اضافيه للويه

بيضتين

ربع قفشه صغيره دارسين ناعم ( وممكن تقللونه اذا ما تحبون نكهته بس بالوصفه الاصليه حاط قفشه صغيره وحسيتها وايد )

ملح وفلفل اسود

بشر ليمونه وعصيرها

الصلصه :

زيت زيتون

بصله صغيره مفرومه

4 فصوص ثوم ناعم

قفشه صغيره اوريغانو مجفف

علبتين طماط مع عصيرها

ملح وفلفل اسود

وشوي بقدونس مفروم

الطريقه :

نسوي الصلصه بالاول … نحمي زيت الزيتون ونضيف له البصل والثوم ونقلبهم لين يتغير لونهم وبعدين نضيف الاوريغانو والملح والفلفل الاسود والطماط ونخليها على النار لين تثخن وبعدين ننعم الخليط كله بالخلاط ونرده على النار

نخلط مقادير الكفته كلها عدل  ( تونه والصنوبر والبقسماط والبيض والاريغانو والملح والفلفل الاسود والبقدونس والجبن وقشر الليمون وعصيره )  ونشكله على هيئه كرات ونبرده بالثلاجه شوي  اما نحمره بشوي زيت زيتون او ندخله الفرن لين يتحمر

بعد ما تتحمر نردهم للصلصه  مع اضافه شوي زيت زيتون – استغنيت عن هالاضافه – ونخليهم شوي وبعدين نقدمهم

نقدمه مع رشه من البقدونس وجبن بارميزان او صنوبر مثل ما تحبون وممكون ترشونه  بفلفل احمر مجفف وبالف عافيه

english recipes · jamie oliver recipes · اطباق رئيسية

jamie oliver red mullet with tomato salad

Mmmm .. I LOVE Jamie Oliver since 2002 when I first knew bbc food
I loved his child-ish behavior and his clean food
He always amaze me with the product he used to complete his dishes
1st thing I tried from his show ” naked chef” was that amazing coskos salad

Enough with that .. Let’s introduce the delicious fish recipe I tried
” Red mullet with mix tomato salad”
I did small changes with the recipe by keeping the fish aside and adding wilting spinach to the recipe

 

 

jamie oliver recipes · السلطات · اطباق رئيسية · اطباق رئيسية -اسماك وماكولات بحريه

سمك سلطان ابراهيم مع سلطه الطماط الملونه بطريقة جيمي اوليفر

تعودت اكتب وره كل وصفه قصه … وساعات القصه تقلب مسلسل من 100 حلقه هههه…الحلقه الثانية من صوغتي سويت فيها هالوصفه

طبعا من بلاغه الشف كنت اتصفح الكتاب وانا بالدوام وقررت اسوي هالوصفه بالذات لان حسب جدول نظامي الغذائي اللي المفروض امشي عليه

مثل ما تشوفون كميه الطحين اللي حطيتها بسيطه جدا جدا اقل من قفشه صغيره… احب اهني روحي على مهاراتي اللي تحسنت نوعا ما  بتخليه الشوك من السمج او بمعنى اسهل اطلع فيليه من السمج  هههه

نرد حق الوصفه… بالوصفه الاصليه فتفت السمج مع السلطه وانا حبيت اقدمها بروحها مع سبانخ وضفت للسلطه فلفل احمر صغار

شوفو الاصل والتطبيق

قبل لا ابتدي بالوصفه بقول ملحوظه … اذا ما كان عندكم متوفر اوراق الشمر بدلوها شبنت وهم اذا السمجه مو متوفره عندكم بدلوها باي نوع فيليه  و تشكيله هالطماط تيي بعلبه وحده تحصلونها بلولوماركت 🙂  وملاحظتي الاخيره اللي دار مدار الصحن مو نثار دياي هذا البقسماط اللي المفروض اقدمه مع السمج  مسويه فيه ديكوريشن هههه

بسم الله نبتدي

المقادير كلها حسب الرغبه

فيليهات سمج ابراهيم او اي نوع ثاني

طماط تشيري ملون

اوراق ريحان

اوراق شمر

ملح

فلفل اسود

فلفل احمر مجفف او اي خليط فلفل تحبونه

نص حبه فلفل احمر مقطعه شرايح صغيره رفيعه

سبانخ

طحين

زيت زيتون

خل اي نوع سواء العادي او بلساميك او اﻻحمر او التفاح

قشر ليمون

زعتر اخضر او مجفف ..ما اقصد اللي مع سمسم

الطريقة:

اول شي نخلط مكونات السلطه وهي الطماط والفلفل ونضيف له الملح والفلفل الاسود والخل والزيت ونخلطه عدل وتالي نضيف له الشمر والريحان

نبهر السمج بالملح والفلفل الاسود والفلفل الاحمر والاعشاب اذا حبيتو ونرشها رش خفيف بالطحين ونحطها بالزيت على النار جهه اليلد ((لاني مسويه رجيم حطيت فيها اقل من قفشه كبيره زيت ولغيت الزيت اللي بالسلطه )) ما تاخذ وقت دقايق ونقلبها على الويه الثاني لين تحمر

بنفس المقله نحمص البقسماط مع قشر الليمون والزعتر والفلفل الحار ونقدمه مع السمج

السبانخ سلقتها على البخار مع ملح وفلفل اسود وعصرت الماي الزايد بيدي

جربوها مرح تندمون باذن الله

jamie oliver recipes · من هنا وهناك · مشروم او الفطر او عش الغراب · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه · خطوة بخطوة

سمك مشوي مع بطاط ومشروم بطريقه جيمي اوليفر

  احب بوصفاته انها بسييييييطه و” كلين ” … وعنده القدره على استنباط وصفات من اشياء بسيطه جدا ومجال التنويع والتغير فيها جدا كبير .. جنه ياهل يلعب فك وتركيب بالاكل

هالوصفه اول مره جربتها من 5 سنين بسمجه كامله وصرت اسويها بين فتره والثانيه…هالمره سويتها نفس الوصفه الاصليه ولاني توني اتعلم اطلع الفيليه من السمج فكميه اللحم اللي تشوفونه شويه هههههه

جربوها بسمجه فرش.. ما تخيلون شلون طعم السمجه  clean

خلطه المشروم والبطاط تقدرون تخلونها طبق جانبي حق اي شي ثاني او تقدرون تضيفون لها جرجير وتقلبونها سلطه :>

الساليري انا ضفته لاني احب طعمه مع السمج..اذا عندكم فيليه انصحكم تستخدمونه او طلبو من السماك يقطعون لكم السمجه فيليه بس يخلون الجلد لانه يعطي طعم كريسبي

المقادير كلها حسب الرغبه .. كل ما كثر انواع المشروم ( الفطر )  طلعت احلى.. وهذي الانواع اللي استخدمتها

انا لعبت بالوصفه شوي … لان عندي مكونات حابه اجربها معاها  دورت الوصفه الاصليه بالنت ما لقيتها .. عموما تحصلونها بكتابه The Return of the Naked Chef

تحصلونه بمكتبه جرير

المقادير :

مشروم شرايح مخلوط من كذا نوع

اي نوع سمج فيليه .. انا استخدمت بلطي وتقدرون تسوونه بسمجه كامله

قفشه من بستو الاعشاب وهذي الاضافه من عندي واذا مو متوفر ماله داعي

تقريبا قفشه كبيره بقدونس مفروم .. اهو كان خالطه مع ريحان بس حزتها ماكان متوفر عندي

بطاط بقشره مقطع شرايح

ثوم شرايح

عصره ليمون

ملح وفلفل اسود

وانا استخدمت بهار فيه زعتر وورق غار وليمون

زيت زيتون

نص عود ساليري مقطع شرايح

الطريقة:

نخلط شرايح البطاط مع الملح والفلل الاسود والبهار وندخله الفرن لين يتحمر

نحمس المشروم بزيت الزيتون مع الثوم  ونضيف له ملح وبهار وبقدونس واخر شي عصره ليمون

نخلط البطاط مع المشروم ونحطه بصينيه الفرن ونحط عليه شرايخ الساليري

نتبل الفيلهات بملح و فلفل اسود ونضفها فوق المشروم ونمسحها بالبستو وندخلها القفرن لين تستوي وبالف عافيه

jamie oliver recipes · المقبلات والاطباق الجانبيه · السلطات · شمندر

تغميسه شمندر

من اسمه نفس طريقه روب بخيار بس هالمره بالشمندر او البنجر … منعش وبارد وكفايه لونه يهبل.. ويصير صلصه رهيبه حق المشاوي والساندويشات… باذن الله بنزل وصفه برغر وهذي صلصته
 
الشمندر اللي استخدمته مسلوق واللي تحب نكهه الشمندر اكثر تشويه ( بقشره تلفونه بالقصدير وتدخلونه الفرن وتالي قشروه )
ممكن تضيفون له اضافات ثانيه مثل الرمان او المكسرات وممكن تاكلونه بروحه او تخلونه تغميسه مع خبز محمص او خضار

الوصفه اخدتها من مجله فتافيت لجيمي اوليفر 

 

المقادير والطريقه :
كوب روب كامل الدسم ( زبادي )  نخلطه مع ملعقه كبيره لبنه بينار تركيه  ( او علبه الميني  )  ونخلطها مع فص ثوم مهروس وقشر ليمون كامله وعصير نص ليمونه

تالي نبشر شمندرتين ونخلطهم معاهم وبالف عافيه