review : bento اشتراك وجبات

خلال الاسبوع الماضي كنت مشتركه باحد اشتراكات التي تقدمها  بنتو bento لوجبه الريوق / الفطور

الاشتراكات عندهم نوعين :

  • Flexible Breakfast Package : عباره عن ساندويش مع سناك وحلو  .. قيمته خلال الاسبوع  ( الاحد- الخميس ) 20 دينار
  • Full Breakfast Package  : يشمل الاشتراك الاول بالاضافه الى  ماي منكه بالفواكه والاعشاب ( ماء ديتوكس ) .. قيمته خلال الاسبوع ( الاحد- الخميس ) 24.250 دينار

طريقه الاشتراك سهله عن طريق سايت يتم فيه اختيار نوع الاشتراك المطلوب وعناوين التوصيل والاصناف الغير مرغوب اكلها ويتم الدفع اونلاين

يقدمون بس وجبه وحده ( الريوق) والاكل يغلب عليه الصحي بس مو محسوب السعرات والدهون ولا يصلح للي ماشين على نظام صحي محدد

الاكل لذيذ ونظيف والتغليف مرتب والتعامل معاهم مريح وياخذون الملاحظات بعين الاعتبار

ككل تجربتي معاهم ناجحه ومريحه وافكر اعيدها في المستقبل

bento day1

هذا باليوم الاول :

  • كلوب تيركي
  • غرانولا بالمشمش والمكسرات
  • اسياخ الجبن مع العنب
  • ديتوكس باوراق الليمون والفراوله.

باختصار كل شي لذيذ …كانت بدايه اسبوع موفقه

في اليوم الثاني :

  • راب حلوم ولبنه ومكدوس ورمان وزيتون ونعناع وبعد وايد اشياء …
  • براونيز بالكراميل والبرلتز
  • تغمسيه خل البلسمك
  • ديتوكس بالليمون والروزماري

مو عارفه احدد شعوري من هالبوكس الراب كان وايد طاغي بمعنى الكلمه يعني لو يقللون المكونات بتكون افضل.. والتغميسه حسيتها مو مكان الريوق

اليوم الثالث :

  • بروشيتا الشمندر
  • ذره مشويه
  • تشيز كيك بالكراميل
  • ديتوكس زعتر ولايم وتوت بري

هاليوم وايد حلو الوانه مفرحه تشوق والاكل كله لذيذ … كانت من وجباتي المفضله

اليوم الرابع :

  • بيقل البيض والجبن
  • شرايح تفاح مع الكراميل
  • اصابع الخضار
  • ديتوكس الدارسين/ القرفه والشيا

كان وجبه طازجه وصحية ونظيفة

اليوم الخامس والاخير :

  • سلايدر حلوم
  • ميني سلطه
  • حلو الكورن فليكس
  • ديتوكس البرتقال والكيوي والروزماري

طازج ومنعش ومناسب لنهايه الاسبوع

 

تقييم بنت الديرة : ****

رقمهم :98733726

موقعهم : http://www.bentokw.com

الإعلانات

وصفاتي المفضله في النصف الاول لسنة 2016

وصفاتي المفضله الجديده الموجوده في المدونه حتى شهر يونيو 2016

اكثر الوصفات اللي حبيتها من كل فئه حسب التصنيفات التاليه وللوصول الى الوصفه يرجى ضغط اسم الوصفه

 

  • افضل وصفة مقبلات 

من مجموعه نكهة عربيه وصفه المشاط الفلسطيني او عجة الزهرة/ القرنبيط …رائعه وسهله وسريعه

  • افضل شوربة / حساء 

بتكون شوربه البطاط والمشروم لانها عباره عن خليط من اكثر انواع الشوربات رواجا والنتيجه لذيذه

 

  • افضل وصفه ساندويشات

من الذ ساندويشات السمك وبنفس الوقت صحيه …يجب ان تكون السمكه طازجه  للتمتع فيها ساندويش السمك التركي balik ekmek

 

  • افضل ريوق/ فطور 

كنت متردده بين 3 وصفات وانتصرت وصفه فريتاتا او عجه الخضار بالكينوا frittata في النهايه

 

  • افضل طبق رئيسي 

من الوصفات الحلوة جدا وسهله التطبيق … طاجن الماكولات البحريه

 

  • افضل وصفه نباتيه 

لتشجيع فقره Meatless Monday بتكلم عن افضل الوصفات النباتيه واعتقد ان وصفه تندوري الزهره/ القرنبيط هي اكثر وصفه حبيتها خلال هذه الفتره

 

  • افضل وصفة حلويات 

وصفه كيكه علم الكويت ستكون اختياري لهذه الفئه … الكميه تكفي عدد كبير وسهله ولذيذه

 

سلعة ووصفة : ربيان بالبقسماط من شركة الدانة

 

ربيان بالبقسماط

هالمنتج نظيف جدا وطعمه مقارب لشغل البيت … متوفر باغلب الجمعيات او عن طريق خدمه التوصيل باحجام مختلفه افضل الحجم الوسط او الكبير

وصفه اليوم سهله جدا … نقلي الربيان بزيت متوسط او ندخلخ باحد اجهزه القلي بالهواء الساخن لمتتبعي الحميه  وفي هذه الاثناء نرش الخضراوات المقطعه بالملح والفلفل الاسود والاعشاب ونضع فوقها قليل من الزيده او زيت الزيتون والى الفرن الساخن حتى تنضج

وبالف عافيه

ربيان بالقسماط مع الخضار

review : مخبز التين والزيتون

مخبز يعتمد بمنتوجاته على التخمير الطبيعي او الخميره الساور دو ..الخبز يكون من الطحين الكامل او خليط من الحبوب الكامله ويضيفون له اما الحبوب المستنبته او اللوز او القرع او التمر …الخ حسب الجدول

فكرته ان كل يوم بالاسبوع مخصص لانواع معينه للخبز ينزل الجدول كل اسبوع بالانستغرام وبناء عليه يتم الطلب والتوصيل

سعره مرتفع ﻻنهم يستخدمون مواد مستورده مثل قمح ومكونات اخرى .. درزن المعجنات ب 10 دنانير وحجمها صغير لكن مشبع و 3 حبات خبز بدينار  + التوصيل من 2-3 دنانير واقل طلب 5 دنانير

حبيت انه مريح للمعده ومشبع لكن ما اعتقد انه بيكون عملي لطلب الخبز اليومي .. اكثر شي حبيته خبز بحبه البركه وخبز بالجوز وفطاير الزعتر

ارقامهم  : 25323417

اكاونتهم بانستقرام  : figsoliveskw

review : خبز التمر من tamry bread

tamry bread

هالمعجنات وايد لذيذه عباره عن عجينه بالتمر بحشوات مختلفه مثل جبن كيري او جبن فيتا اوجبن كرافت او جبن بالزعتر او زعتر او لبنه او نوتيلا

حجم المعجنات صغير يصلح لشاي الضحى او كريوق مع خضار وزيتون وغيره

حبيت اكثر شي جبن كرافت وجبن كيري

سعر الدرزن ب 3 ونص + توصيل دينارين

رقمهم : 9768 6873
واكاونتهم بالانستقرام واضح بالصوره

تمري بريد

مطعم هندي بجمعيه القادسيه

سمبوسه القادسية

برايي احلى سمبوسه ومقالي هنديه … الحشوه متروسه والعجينه مو يابسه … ما شاء الله دايما عليه زحمه وهذا يطمن ا نالاكل اللي بتاكلونه ساخن مو بايت لانه يخلص اول باول … وحتى لو ما عجبكم تبون شي توه مقلي تقدرون تطلبون منه هالشي

يبيع بعد سمبوسه محشيه ومبرده حق خاصه للناس اللي تهتم باوزانهم وتبي السمبوسه مشويه بالفرن تقدرون تشترون منهم وتشوونها بالبيت

سمبوسه القادسيه 2

اكثر شي احبه عندهم سمبوسه الجبن والبيتزا والباكورا وساعات اودي حشوتي او اطلب حشوتي الخاصه وهو يلفها وامر اخذها بنفس اليوم … ما جربت ساندويشاتهم بس اشوف ناس تطلب منهم … هالموضوع المفروض انزله قبل سنتين برمضان بس توني اكتشف اني نسيته

رقمهم : 22574812

review : محل دانه البحرين للمنتجات البحرينيه

محل دانه البحرين

يا حلو البحرين وحلو شعبها واهلها … المنتجات البحرينيه وخاصه الحلوى والمتاي مطلوبه بكثره لطعمها المميز … بهاراتهم بعد عجيبه ولا استغنى عنها … لقيت محل يبيع كل هالمنتجات وفناتقهم الحلوة وما يحتاج نوصي عليهم من البحرين

السبب الرئيسي اللي خلاني اروح له هالبهار ( بهار الدقوس )بهار الدقوس

من شفت سليمان القصار يسوي الكباب البحريني وقال هالبهار لازم يكون موجود .. الوصفه تلقونها على هاللينك

رحت العقيله مجمع النوخذه قبال البيرق ادور على محل دانه البحرين ( تلقونه بره ما يحتاج تدشون المجمع ) …المحل بصراحه صغير بس فيه كل شي ما شاء الله

20130829_122117

صينيه البهارات البحرينيه الخنينه … الحجم الصغير اذا ماني غلطانه سعرها 3.500

20130829_110045

فناتق اهل البحرين مرشات ماي ورد وماي لقاح وزموته والزعتر وغيره  .. عجبوني ملوت ماي الورد وقمت ارشش على ويهي بالحر يبرد وهم يعطي نضاره 🙂 … وطبعا عندهم الغراش الصغيره حق الشاي والماي وغيره

20130829_105847

شوفو شحلاتهم اعتقد سعرهم 2.000… اللي تحته درابيل بحريني( نشاب ) ما سالت عن سعره … وهذا ماي الورد اللي اخذته

مرش ماي ورد صغير

20130829_105826

هالشي الكيوت عباره عن اجار (طرشي) خضار صغير مغلف فردي حجمه نتفه يهبل … اعتقد هم سعره 2.000 او2.500

اجار صغير ميني

شوفو شحلاته كيوووت

20130829_105330

اللي يم البطاط خلطات جاهزه لبعض انواع العجاين مثل الكباب البحريني والبيتزا واللقيمات وغيرها اسعارهم 2.000 واللي يمهم ماي مخلوط بماي لقاح وتمر وللاسف نسيت اسعارهم

20130829_105318

وطبعا الحلوى الشهيره والسمبوسه البحرينيه اللذيذه بالنوعين المشويه والمقليه ومتاي احجام بالفلفل وغيره وسعره 1.000 و 2.00020130829_105308

وكل انواع الاجارات ( الطرشي ) البحريني والمعابيج  واسعارهم تتفاوت بين 1.500-2.500 وانواع المعمول وخلطات القهوه

العنوان بالتفصيل وارقامهم تحصلونه بالصوره .. والحلو ان عندهم توصيل بعد

دانه البحرين عنوان