سلطه ناتشوز…

هالسلطه مره جربتها من كتاب المطاحن وحسيت الدريسنغ ثقيل وما عجبتني ولا فكرت اعيدها… اشوف الكل يحبها ويسويها وانا مستغربه اقول معقوله بس انا اللي كارهتها… سويتها مره ثانيه وغيرت شوي بالدريسنغ وخليته خفيف… ماكان عندي معيار ثابت ..والنتيجه طلعت حلوه .. تقدرون تضيفون هالبينو او فاصوليا حمره او ذره او اي شي تحبونه مع السلطه

المقادير كلها حسب الرغبه..
ناتشوز بالجبن ماركه دوريتوس
خس شرايح
ملفوف شرايح احمر وابيض
خيار مكعبات
جزر مكعبات
جبن تشيدر مبروش
الدريسنغ:
صلصه فرنسيه
عصير ليمون
ثوم
مايونيز
روب

الطريقه:
نخلط مقادير الدريسنغ ونخلطهم مع الخس والجبن والملفوف والخيار والجزر
نضفهم بالبايركس ونصف الناتشوز فوقهم وبالف عافيه