هالشوربه يكون معاها نظام حميه خاص… المفروض انها تنزل الوزن حتى لو تنشرب بروحها.. اللي يحب يعرف اكثر عن هالنظام يدش هالسايت
في ناس ما تحب الساليري بس انا احب هالشوربه وصايره هالايام من الاساسيات في نظامي .. شلت منها الجزر والاشياء اللي اشوف انها مو ضروريه بالنكهه
المقادير:
كيس ساليري وانا افضل الاسترالي احلى وافضل من الامريكي لانه ما يقلب مر بالطبخ
حبه ملفوف صغيره
2-3 فلفل اخضر
علبه او اثنين طماط مهروس او طماط مقطع مع عصيره
علبه مشروم فرش
6 بصلات صغار او 4 كبار
خلاصه خضار ارض الطبيعه
كمون
ملح
فلفل اسود
بحدود لتر ونص لي لترين ماي
الطريقه:
نقصص الخضار ونخلطها بقدر الطبخ
نضيف لهم الماي ونتركه يغلي غلوتين
نضيف لها الكمون والفلفل الاسود وعصير الطماط والخلاصه مده 40 دقيقه او لين تطرى الخضروات وتروح زنخه البصل نتذوقها ونشوف اذا تحتاج ملح
عند التقديم احب ارش عليها بقدونس مفروم واعصر عليها لايم ( ليمون اخضر ) وبالعافيه
ترا الكميه واااايد راهيه… انا اسويها نص نضج واخليها بالثلاجه وكل يوم اسخن لي جزء
My Kitchen 
انا سويتها و سمنت 😛
ماشالله خوش بلوق
الاكل شكله لذيذ:)
Fashionista
*************
ويي جنها مو خوش بشاره :Pحياج الله حبيبتي واقولج نتيجتها معاي باذن الله
بس انتي كنتي ماشيه مع النظام ولا نفسي بس اشربها بروحها ؟ 🙂
DoDoq8
*******
مشكوره عزيزتي هذا من ذوقج
وتابعيني باستمرار 🙂
لووووووول ..من صج سمنتي .؟؟؟ابيه وانا طايحه فيها طيح ..أقولج أنا أسويها بس بطريقة ثانية ..ما احط لا معجون ولا طميطش..واضيف آخر شي عليها جيش شوربة ماجي يا إما الهيليون أو عادي الشعرية أو خضار الربيع ..طعمها يصير أحلى ..ويسلمو حبوبه
Om MoD
*******
طريقتج شكلها يمي … بجرب اسويها بعد ما تخلص هالدفعه هههه
وودج بعد كل هالخبه تمتن.. ابداع
عاد عندي طريقه ثانيه حق شوربه فيها خرشوف وسنا مكي وقايله عشتو بجربها ههههالله يستر 🙂