ادري اني وعدتكم ها لايام باطباق ربيان .. بس من ارد البيت عشان اصور القى الكل متغدي والباجي يكون غير صالح للتصوير.. فقررت انزل لكم وصفات قديمه وان شاء الله بالويكند ارد انزل لكم وصفات فرش
هالمرق تقدرون تسوونه بالدياي او اللحم واتوقع لو ضفتوا للمقادير طبقه نخي اصفر بيكون خاثر وحلو… كميه ونوع الخضار تتحدد حسب الرغبه
انا اشيل جلد الدياي عشان اقلل الدسم
المقادير:
دياي منزوع الجلد ومقطع
طماط مهروس بالخلاط
ثوم وزنجبيل مهروس
بصل مفروم
بطاط مقشر ومطقع حسب الرغبه
جزر مقشر ومقطع حسب الرغبه
كوسا مقطعه حسب الرغبه
سلق مقطع
معجون
بزار
كاري
كزبره بودر
فلفل اسود بودر
لومي اسود عدل
ملح
ماي ساخن
زيت نباتي
الطريقة:
نحمس البصل لين يذبل ونضيف له البزار والثوم والزنجبيل المهروسين ومعجون الطماط ونحركهم ونضيف الدياي وباجي البهارات ونحمسهم عدل لين تطلع ريحتهم .. تقدرون تقللون النار وتسكرون الجدر وتخلونه شوي
نضيف الخضار ونرد نحمسهم شوي لين يتمازجون عدل
نضيف الطماط والماي الساخن واللومي ونتركه يغلي
عند ثلاث ارباع النضج نضيف السلق ونخليهم على نار متوسطه الى ان يكتمل النضج وبالعافيه
My Kitchen 
شكرا على زيارتك لموقع الطبخ خاصتي…شكرا على تعليقك ايضا. موقعك حلو كمان و وصفاتك لذيذه, انشاءالله بدي ازور الموقع كمان علشان الحق اقرأ كل الوصفات 🙂
Summer******شكرا عزيزتي على زيارتج الحلوة لموقعي وسعدت ان اعجبجموقعج رائع وعجبتني كذا وصفه ان شاء الله اطبقهم :>حياج الله ولا تقطعين