استخدمت شوفان كويكر بدل حبوب الجريش لانه اسهل واسرع بالنضج والطعم نفسه.. دخلت فيه جزر وكوسا للفايده الغذائيه … تقدرون تاكلونهم ساده او مع حشو الجريش ( بصل مفروك ببهار ولومي ) بس خواتي يحبونه مع بصل محمر
استخدمت مضرب K عشان يمزجهم بس تقدرون تقدمونها من غير هالجزئيه
المقادير:
دجاجه مسلوقه مع هيل ودارسين و ورق غار و حبتين مستكه ( حبه صغيره او نص كبيره او حسب الرغبه)
علبه كويكر ( شوفان ) كامله الا ربع
جزر مبشور (حبه وسط )
كوسا مبشوره ( وحده كبيره او 2 صغار )
بصل جوانح ( تقريبا 2 كبار )
طماط ( 2 او 3 )
ثوم مدقوق
زنجبيل مدقوق
لومي ناعم وعدل
بزار
بهار
ماجي
ملح
معجون طماط
زيت او سمنه
حبه زبده صغيره
الطريقة:
نقطع البصل والطماط شرايح طوليه
نسحب الدياي ( تقدرون تحتفظون بالمرق لاضافته تالي )
نحمس البصل والزنجبيل واالثوم ونضيف له البزار.. ونضيف الخضار مع الماجي
نضيف الدياي ونحمسهم عدل لين تطلع ريحته
نضيف الطماط واللومي ونتركه على النار مع التقليب لين يذبل الكل
نضيف المعجون والماي الساخن او المرق ونتركه لين يغلي
اول ما يغلي نحط الشوفان ونخلطه واول ما يبدي يبقبق (( مادري شسمي هالعمليه هههه )) نوطي النار ونحركه بين فتره وفتره لين يستوي
نحطه بالعجانه او نضربه مع اضافه قطعه صغيره زبده عشان يساعدنا في عمليه التسطيع
نحطه بصحن التقديم ونسطعه بظهر القشه ونضيف البصل المحمر بالويه ويقدم بالف عافيه
My Kitchen 
يحليلج .. وايد تشوقين قررت أجرب الدياي تندوري والباستا ودياي القشطة.يعطيج العافية .. وصفاتج عجيبة.
عجيب:)ما شاء الله تسلم الاياديذكرتينا بالشهر الفضيل:)
يصير يريش من غير دياي؟
قوه يالحلوهامس طبخت لي ربيان عجيبانت السبب شجعتيني اطبخ هالطبقربيان بالروب و الخضروات و الجبنشكرا لجالمعجبة
على فكرةانا العادة اسوي الجريش مع اللحموالهريس مع الدجاج:)
يا بعد عمري جنج تدرين ذاك اليوم اسأل رفيجتي عن الطريقة بالضبط ..وقالت بتسال أمها ونست :)أنا ماما الغالية تسويه بس مو بكوكر بالطريقة العادية باليريش نفسه ..ضروري بجربه ..بعدين إذا خلطتيه الدياي ما أدري جنه يتلزق بالخلاط ولا عادي ..وااااااااي إنتي دميره ..انا زدت 10 كيلو والسبه الاكل :)ويسلمو…الله يكون بالعون
الله حلو النيو لوك 🙂 عليج بالعافيه ياطباختنه باليريش والنيو لوك 🙂
مبروك على النيو لوك 🙂
اخوي ما عليك امر اشلون اتسوي الحشو …انا لما اسويه يطلع مايع و متلزق مو ناشف مثل الي بصورة
سبمبوت*******يالف اهلا ومرحبا بزيارتج الاولى حق مدونتيوسعيده انج بتجربين من اطباقي وناطره رايج:>والله يعافيج ولا تقاطعين :>
Manal******تسلمين لي يا قلبيوصاجه هالاطباق مالت رمضان الله يعوده عليكم وعلينا بصحه وعافيه يارب بس لان خواتي كلو قلبي يبونه سويته استثناءانا للحين ما تجرات وسويت هريس بروحي امي الله يرحمها كانت تسوي نفسج هريس بالدياي وجريش باللحم وخالتي الله يطول بعمرها تخلط الاثنين ( دياي ولحم ) بالهريس كل هالمقدمه عشان اقول لج باذيج قبل رمضان عشان اطبق الهريس هههههه
Bloggerista ***********ايي حبيبتي يصير باللحم وبالخضار بروحهاانا منزله وصفه جريش اللحم بالبلوق :>والخضار بطبقها قريب ان شاء الله :>
المعجبه********عليج بالف وستميه عافيه وهذي الساعه المباركهلو سمحتي اطالبج بوضع وصفه الربيان بالروب والجبن شكله خطير :>
Om MoD*******يا قلبي تاخرت عليج سوري وايدتلقين وصفه جريش من غير كويكر بس تكون مع لحم بالبلوق واذا خلطته بالخلاط لازم يلزق بالاطراف وانتي تنزلينه بالقفشه بعدين :>اذا عندج اي استفسار او اي خطوة مو واضحه قوليلي :>ومشكووووره وايد
fatto *****عيونج الاحلى ومشكووووووره وايد :>
bader****** عندي احساس انك تقصد حشو المربينبس اذا تقصد البصل المحمر… تقصصه شرايح ضعيفه وترشها بطحين قبل القلي.. وتاكد ان الزيت حار وما تلزق باذن اللهوحشو المربين بعد ما يترسى العيش قلبه بصينيه عوده وبطرف الملاس اخلط الحشو مع العيش ويطلع متمازج بهالصوره :>ملاحظه صغيره: انا بنت :>
مشكورة اختي و سامحيني امسوي رجيم قاسيوبصراحة شفت صورة اخوج وافتر راسي يعطيج العافية و لا يوقف 🙂
bader ******في البدايه اعذرني نسيت ارحب بزيارتك الاولى للمدونهومرحبا كبيره :>وان شاء الله تنزل الكيلوغرامات الزايده بصحه وعافيه وحياك الله باي وقت والله يعافيك يارب :>