reviews · مشروم او الفطر او عش الغراب · وصفات صحيه قليله السعرات او الدهون وتصلح للرجيم · اطباق رئيسية-اطباق نباتية · اطباق رئيسية-باستا او المعكرونه

سلعة ووصفة : organics whole wheat penne

عيب انواع الباستا السمره بالجمعيات انها مثل شوكه النقرور توقف بالبلعوم لو مهما انسلقت… عاد من كثر ما جربت وحست حسيت هالنوع من اخف من الانواع الموجوده .. طبعا في طريقه ثانيه وهو اني اسويها فرش بالبيت وهالشي مالي خلقه

مع تاريخي الحافل بالرجيم حبيت افيد اللي توه ينظم بهالعالم …. لا تحرمون روحكم من شي كل شي تحبونه موجود منه نسخه اخف … الاسمر مافي فرق بينه وبين الابيض بالسعرات بس لانه افيد واليافه اكثر بتحسون بالشبع اسرع

الطبق اللي اخترت اسويه استا بريمافيرا… لاني احبها اولا ولانكم تتحكمون بالمكونات الموجوده عندكم … هالباستا مالها وصفه ثانيه كل شخص ممكن يسويها بطريقه متخلفه ..بريمافيرا يعني الشي الموسمي او الربيع ومن هني يت الوصفات المختلفه لها .. الشي الاساسي اهو الخضار

مثل ما قلت لكم استخدمو اي خضار موجوده عندكم … صلصه الباستا اذا مالكم خلق تسوونها استخدمو الصلصه الجاهزه قليله الملح والدسم واعتقد بريقو عندهم منها او الغوها وخلوها من غير صلصه

الطريقه : نسلق الباستا مثل ماهو موضح بالعلبه ونشخلها مع الاحتفاظ بشوي من ماي السلق … حمست كوبين خضار مشكله  ( بصل ومشروم وفلفل ملون) بسبراي الطبخ ..ضفت عليهم صلصه الطماط وطريقتها تلقونها هني من غير الزيتون    وماي السلق وضفت لهم ملح وفلفل اسود وخلطتها مع الباستا وزينتها بالبقدونس المفروم وممن تضيفون لها شوي من جبن البارميزان اذا تحبون وبالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s