دياي فيليه مع الخضار …

تقدرون تقدمونه مع رز بشعريه او تحطونه بصينيه وتحطون فوقه كور بطاط مهروس مع جبن وكريمه وترشون الويه بجبن موتزريلا

انا نزلت هالوصفه مقدمه حق وصفه الكريب ان شاء الله انزلها لكم باجر اذا الله عطانا عمر مع جم وصفه كنت حاطتهم على الهولد

ويليهم ان شاء الله بنزل بوست كامل عن تجهيزاتي الرمضانيه الله يعوده علينا وعليكم بصحه وعافيه :>

انصحكم بهالسايت ام عزيزان تهببل وانا استفدت منها وايد في سوالف الكبب اول ما بديت اجهز رمضان بروحي لما كانت تنزل مشاركتها بعالم حوا… والحين سوت لها موقع خاص فيها واصلا موقعها وايد مفيد خصوصا حق التجهيز والتفريز والاكلات الكويتيه عموما :>

نيي الحين حق وصفتنا

المقادير :
-نص كيلو فيليه دياي
-حبتين جزر مبروشين
-نص فلفل اصفر مكعبات
-قفشه كبيرة كزبره مفرومه
-4-5 حبات مشروم مقطع مكعبات
-بصله صغيره
-حبه ماجي
-نص كوب ماي
-نص قفشه صغيرع اعشاب مجففه
-كاري ربع قفشه صغيره
-كزبره بودر قفشه صغيره
-دارسين رشه
-كركم ربع قفشه صغيره
-زيت نباتي بحدود قفشه كبيره
-رز ( عيش )
– شعريه مفتته
-زبده
-ملح
-ماجي الارز حسب الرغبه ( مو ضروري وانا عن نفسي ما استخدمه بس يعطي نكهه حلوه للعيش للي يحب )

الطريقة:
نقصص الدياي شرايح طويله
نغسل العيش عده مرات لين يصفى لون الماي وبعدين ننقعه بماي دافي وملح فتره ونشخله
نحمي الزيت ونضيف الدياي ونحمسه لين يقلب لونه وبعدين نضيف البصل والكزبره ونحركهم لين يذبلون وبعدين نضيف الجزر والفلفل والبهارات ونحركهم
نذوب الماجي بالماي ونضيفه لهم مع ونتركهم لين يكمل نضجهم وينشف الماي تقريبا ونقدمهم حسب الرغبه

نذوب الزبده بالجدر ونضيف لها الشعريه لين تتحمر نضيف العيش ونفلفله شوي وبعدين نضيف الملح والماي الساخن والماجي ونتركه على نار عاليه لين ينشف الماي وبعدين نوطي النار ونحط تحت الجدر حديده ونتركه لين يكمل نضجه و يوقدم معاه بالف عافيه

Advertisements

5 Comments اضافة لك

  1. star كتب:

    تسلم ايدج ومشكورة على السايت وايد مفيد

  2. Anonymous كتب:

    السلام عليكم اختي ممكن تدزين لي مسج على ايميلي ابي اكلمج بموضوع خاص kuwaitiaq8@gmail.com اختك مريم

  3. bent el deera كتب:

    star *****مشكوره حبيبتي هذا من ذوقج :>وحياج الله دوم :>

  4. bent el deera كتب:

    مريم ****حياج الله بزيارتج الاولى للمدونه :>ومن عيوني جيكي ايميلج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s