خبز نان بالزبده لذيذ

 
انا جربت عده وصفات نان من قبل بس هذي بوجهه نظري تفوقت عليهم
الوصفه اخذتها من موقع اخوي المبدع توب شيف الله يرده من غربته… جربوها صدقوني مرح تندمون
لينك الوصفه الاصلي
 
كنت حاطه ببالي هالوصفه اسويها بالويكند مع حمسات بس لاني اليوم مو مداومه فسويتها ابجر… استخدمت حجر البيتزا لان الخبز والبيتزا فيه يستون بسرعه…  عمتي الله يطولي عمرها يايبته لي هديه من تروفاليو وهلكته بالاستخدام
اذا ما عندكم هالفرن او هالحجر مو مشكله… باللينك الاصلي مستخدم طريقه ثانيه بالفرن تقدرون تستخدمونها
 
بتشوفون الفرق بين الوصفه اللي باللينك وبين الموجوده اشياء بسيطه منها كميه و نوع الطحين لاني خلطت ابيض واسمر للفايده ورشيت حبه بركه وسمسم قبل لا اخبزها واكتفيت اني امسح الزبده بعد ما استوت
 
 
نصيحه اخت .. جربو تسوون خبز بالبيت لو من باب التجربه  زهبو العده وحطو اضافات مثل ما تحبون ونادو خواتكم الصغار او بناتكم يشكلون الخبز معاكم.. وصدقوني لما اقولكم ان هالتجربه ممتعه لاقصى درجه 
 
انا شفت مره وصفه نان قبل لا تدش الفرن يرشونها اوراق كزبره ويفردونها وهم مره شفت يحطون حبوب كمون… تقدرون تضيفون هالاضافات حسب الرغبه
 
 
بسم الله نبتدي
 
المقادير: ( بحراره الغرفه )
3-4 اكواب طحين ( انا خذت مني 4 بس بالوصفه الاصليه 3 ونص ومعاهم قفشه كبيره )
بيضه
نص كوب روب + قفشه كبيره
نص كوب حليب + قفشه كبيره ( دافي )
نص قفشه صغيره ملح
قفشتين كبار شكر
قفشتين كبار زيت نباتي 
قفشتين وربع صغار خميره فورية  = كيس خميره صغير
زبده او زيت للويه ( انا استخدمت علبه الزبده بالثوم اللي تيي مع بيتزا باباجونز )
سمسم وحه بركه للويه
 
الطريقة  :
نخلط الروب والحليب والخميره والشكر والزيت والبيض والملح ونص كميه الطحين ونضيف الباجي بالتدريج لين تتكون عندنا عجينه لينه ونعجنها تقريبا 5-7 دقايق لين تحسون انها مسكت 
نحطها طاسه مدهونه ونتركها لين تخمر ويتضاعف حجمها
بعدين نقسمها 6-8 قطع ونتركها شوي ترتاح على ما يسخن حجر البيتزا 
نفردها بالنشابه ونرش عليها حبه البركه والسمسم
 
ونحطها بالحجر الحار وننطر عليها شوي مجرد ما تتحمر نشيلها ونمسحها بالزبده وتنوكل بالف عافيه
Advertisements

3 Comments اضافة لك

  1. topchefcooks كتب:

    شكله رهيب .. بالعافية على قلبك إن شاء الله .

  2. bent el deera كتب:

    الله يعافيك اخوي :>نور البلوق بتواجدك وحياك الله دوم :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s