I love to cook .. love to eat .. and this is my kitchen
صلصه البيتزا بطريقه No nO Enrique
“قبل فتره نزلت موضوع اسالكم تشاركوني بوصفاتكم واراءكم واضافاتكم على الوصفات وبعد عمري No nO Enrique”
ما قصرت دزتلي عده وصفات رح انزلها مثل ما دزتها لي بالايميل لكم وتشاركوني فيهم..شكرا حبيبتي
مقادير صلصه حلوه:
نشا ( رشه بين 4 ل 5 ملاعق تقديريه عشان الصلصه تثقل معا الطبخ
طماطم مطحون حبتين
معجون طماط 3 أو أربع ملاعق
ريحان أفضله مجفف عشان أفتته
قليل من الماء مش كثير أوصي بربع كاس أو أقل فنجال .. عشان مايخرب ثقل الصلصه
رشه زيت زيتون ( أختياري )
ملاحظات
ماحطيت ملح أتوقع الحمسه حقت اللحم المفروم بيكون فيها ملح وملاحظه نعصر الدم من اللحم عشان مايصير اللحم ناشف ونحاتي تبخر السوائل
الصلصه نخليها تطبخ لين ماتصير ثقيله يعني خاثره تترجرج معا تحريك الملعقه الخشبيه
أذا خايفه من تكتل النشا ينحط في ماء بارد أولا في القدر ثم بقيه المكونات
الهدف منها أنه بتسوي طراوه للعجين حتا لما تستوي البيتزا بالفرن أنشاء الله تضبط معاك هي سهله بس خليها تطبخ لوقت عشان يطلع النشا مفعوله
نصائح البيتزا :
أنا ماعندي حجر البيتزا فكرت فكره التاوه وأني أفتح باب الفرن عشان تروح الرطوبه وأستخدم قطعه الفرن المعدنيه المفتوحه الشبك اللي داخل الفرن >> أنشاء الله تكون نصيحتي في المكان الصح لأني نسيت طعم البيتزا أذا سكرت باب الفرن أنشاء الله يكون لها مفعول هالطريقه
قريت موضوعك عن السنبل بيتزا وموضوع القرمشه .. فيه بعض المواضيع بطبعها .. وبقراها ..عن البيتزا بس قلت خير البر عاجله وكتبت بعض الأفكار…..
الطريقه
اول شي ابطل الفرن على اعلى درجه حراره وارفع الشبك حق اول رف
أنا أرش تحت البيتزا طحين عشان تصير كرسبي >> لا تكثرين من الطحين عشان لا تبتلشين فيه أذا أستوت البيتزا بيصير فيه طبقه زايده.. بس بسيط عشان يصير كرسبي >> منتظره رأيك بهل الحركه
فيه نصحيه شفتها بفتافيت عشان يطلع الجبن مطاطي يخلط نوعين من الجبنه شيدر + موزولا
My Kitchen 
3 آراء حول “صلصه البيتزا بطريقه No nO Enrique”