كورن دوغ من برميت Barmait’s yummy corn dogs

هالوصفه ما اذكر اني اكلتها الا بمضان اللي طاف يوم اجرب اسوي وصفه المطاحن… كانت زينه بس ما كانت النتيجه  مثل اللي  كنت ابيها

قبل جم يوم لما شفت اخوي عبدالله نزل هالفيديو قلت سهله ما يبيلها شي خل اجربها وطلعت لذييييذه ..  انا سويت اضافه اني حقنت الهوت دوغ بالكتشب قبل لا اغمسها بالخليط واقليها بس ما فرقت عن اللي غمستها على طول من غير كتشب

جربوها سهله وسريعه ولذيذه

تسلم الايادي اخوي على هالوصفه اللي تهبل

باجي الخلطه قمنا نتفنتق فيها خلطت معاها ذره وبصل اخضر وهوت دوغ تيركي مكعبات وفلفل اخضر وجبن وسويناهم مثل خبز عروق بس للاسف ما صورتهم

الوصفه الاصليه تلقونها هني

http://barmait.com/2011/09/13/barmaits-kitchen-how-to-make-corn-dogs/

بسم الله نبتدي المقادير والطريقة مع بعض ي:

اول شي نسخن زيت غزير للقلي

نخلط كوب طحين وكوب طحين الذرة مع بيضه وكوب حليب وقفشه صغيره ملح وقفشه كبيره بيكنغ بودر لما يصير خليط ثقيل شوي ونصبه بقلاص عشان نسهل عمليه تغميس الهوت دوغ

باعواد الخشب نشك الهوت دوق الى النص تقريبا ونغمسه بالخليط ونقليه .. ما يطول يا دوب يقلب ياخذ لون ونشيله قدموه مع مسترد وكتشب وبالف عافيه

الإعلان